Charter Document - 05960122
| Charter Number: | 05960122 |
|---|---|
| Cartulary Title: | Deeds from Portsmouth and Its Area Before 1547 |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1186 - 1193 |
| Date type: | Assigned |
| Resource Link(s): |
|
Charter:
Willelmus Comes de Sussex Omnibus fidelibus et amicis suis francis et anglis salutem Sciatis quod ego pro amore dei et beate Marie et pro salute domini Regis et mea et meorum omnium et pro animabus domini patris mei et matris mee et omnium antecessorum et heredum meorum Concessi et presenti karta et sigillo meo confirmaui in liberam et puram et perpetuam elemosinam ecclesie sancte Marie de Suwic et canonicis eiusdem loci donationem quam Radulfus de cumbrai fecit eidem ecclesie de una virgata terre de dominio suo in preuetto iuxta Anedemere et de alia virgata terre iuxta eam quam Willelmus de cumbrai frater eiusdem Radulfi de assensu ipsius eidem ecclesie fecit cum decem acris et preterea de cultura quadam iuxta Aldelond scilicet prope terram Wlfrici de crabbeden et Gilleberti de ledmere quam Robertus de henton dedit et confirmauit predicte ecclesie Quare uolo et firmiter precipio quod prescripti canonici omnia prenominata tenementa habeant et teneant bene et in pace libere et quiete integre et honorifice sicut karte predictorum donatorum testantur Testibus Roberto de mortuo mari Reinero de aubenni Rogero tirel Rogero Gulafre Ilberto de Rachint Roberto filio Gaufridi Walkelino de Boseuile Rogero priore de Sireburn Stephano capellano Radulfo de Aubenni Willelmo de Aubenni filio meo Magistro Gregorii Magistro Willelmo Roberto de cleies andrea capellano Andrea pincerna
Source (click image below to view full size)
