Charter Document - 05960116

Uniuersis Christi fidelibus presentibus et futuris ad quos presens scriptum peruenerit Willelmus de Hum Constabularius domini Regis Salutem in domino Nouerit uniuersitas uestra quod ego diuine pietatis intuitu pro salute anime mee et pro anima Lvcie vxoris mee et filiorum et filiarum nostrarum et omnium antecessorum successorumque nostrorum dedi et concessi et hac presenti carta confirmaui deo et Ecclesie Sancte Marie de Suwic et Canonicis regularibus ibidem deo seruientibus in liberam puram et perpetuam elemosinam Ecclesiam de Burh cum omnibus ad eam pertinentibus ad faciendum anniuersarium diem prefate Lvcie vxoris mee solempniter in prescripta Ecclesia de Suwic inperpetuum Dedi quoque prefatis Canonicis et hac carta mea confirmaui totam terram illam in manerio meo de Ketena cum omnibus pertinenciis suis quam Radulfus de Agnis de me tenuit et quam in manum meam sponte reddidit preter dimidiam Marcatam redditus quam idem Radulfus dederat Monachis de Alneto et preter aliam dimidiam Marcatam redditus quam inde dederat Monialibus Sancti Michaelis de Stanf assensu meo in elemosinam Item ad inueniendum luminare inperpetuum ante crucifixum super sepulturam predicte Lvcie vxoris mee in eadem Ecclesia scilicet lampadem ardentem per diem et noctem et cereum dum missa pro ipsius anima celebratur que in eadem Ecclesia cotidie celebrari debet per aliquem fratrem ad hoc assignatum donaui prefate Ecclesie de Suwic terram quam Stephanus filius Rogeri tenuit de manerio de ketena vnde reddebat annuatim iiii solidos et viii denarios sterlingorum et terram quam Radulfus crabbe tenuit in manerio de Burh unde reddebat annuatim iii solidos et terram quam Willelmus de Warda tenet de manerio de Draiton vnde reddit annuatim iii solidos Concessi etiam et confirmaui prescriptis Canonicis donationem terre quam Robertus de Bera clericus patris mei et meus fecit eis pro salute anime sue scilicet totam terram quam Godwinus orped tenuit de manerio de Burh quam scilicet terram Ricardus de Hum pater meus dedit predicto Roberto de Bera pro suo seruicio Confirmaui quoque predictis Canonicis totam terram quam Rannulfus fresel tenuit de manerio de Draiton quam predicti Canonici habent in excambium de Monialibus de Stanf pro dimidia Marcata redditus quam prefata Lvcia vxor mea dederat in elemosinam prefate Ecclesie de Suwic apud Stanf Hec omnia dedi et concessi prescriptis canonicis pro anima Lvcie uxoris mee in liberam elemosinam quietam et absolutam ab omni exactione et seruicio seculari ad me et heredes meos pertinente Et ut hec donatio mea in perpetuum stabilis firmaque permaneat eam presenti carta et sigillo meo confirmaui Testibus Willemo abbate de Sancto Laudo Ricardo de Hum Jordano de Hum Willemo de Saj Henrico de Hum Henrico de Simillj Willelmo fratre eius Roberto de Haia Radulfo de Agn Radulfo capellano Gilleberto de Valle Oratio pincerna Gaufrido pincerna Petro de Besevill Hugone de Besevill