Charter Document - 05960115
| Charter Number: | 05960115 |
|---|---|
| Cartulary Title: | Deeds from Portsmouth and Its Area Before 1547 |
| Charter Language: | Latin |
| Charter Origin: | Lay |
| Charter Type(s): | Gift, Confirmation |
| Date: | 1185 - 1204 |
| Date type: | Assigned |
| Resource Link(s): |
|
Charter:
[N]otum sit omnibus tam presentibus quam futuris quod Ego Willelmus de Humeto Constabularius domini Regis diuine pietatis intuitu pro salute anime mee et Lucie vxoris mee et Filiorum et Filiarum nostrarum et omnium predecessorum et successorum nostrorum dedi et hac presenti carta confirmaui deo et ecclesie sancte Marie de Suthewyc et Canonicis in eadem ecclesia religiose viuentibus quatuor marcatas redditus assisas apud ketena in terra et hominibus habendas Annuatim de me et heredibus meis libere et quiete et absolute ab omni exactione et seculari seruicio michi et heredibus meis pertinente imperpetuam et puram et absolutam elemosinam Has predictas quatuor marcartas redditus prius habuit Radulphus de Agnis de me pro suo seruicio qui eas in manu mea spontanea voluntate resignauit pro decem libratas redditus ad Andegauenses quas ego ei in excambio predictarum quatuor marcatarum redditus dedi in Normannia apud vianam in baiocassinam Item prefate ecclesie sancte Marie de suthwyc ad assiduum luminare de Lampade per totam noctem coram crucifixe ardente et de die de quodam Cereo donec Misse in ecclesia celebrentur donaui sex solidos et octo denarios sterlingorum de quibus ego Assignaui sepedicte Ecclesie ij solidos apud Bourhunt quos Radulphus Crabe mihi reddebat annuatim de feodo quod de me tenebat et quatuor solidos et viij d assisos apud ketenam in redditu Item donaui eisdem Canonicis peticione et assensu et voluntate Willelmi de Warda totum tenementum quod idem Willelmus de Warda de me tenuit de feodo meo de Bourhunt de quo michi reddebat annuatim tres solidos sterlingorum Item confirmaui et concessi sepedictis Canonicis donacionem terre quam Robertus de Bera Clericus patris mei et meus fecit eis pro salute anime sue totam terram scilicet quam Godwinus Orpedeman tenuit de Patre meo quam scilicet terram Pater meus Ricardus dedit predicto Roberto de Bera pro suo seruicio sicut Carta quam Canonici habent de Roberto destinguit et testificatur Testibus istis Ricardo de Humet Willelmo de sae henrico de humet filiis meis testantibus et fauorem et assensum prebentibus et Multis aliis
Source (click image below to view full size)
