Charter Document - 05960114
| Charter Number: | 05960114 |
|---|---|
| Cartulary Title: | Deeds from Portsmouth and Its Area Before 1547 |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1185 - 1200 |
| Date type: | Assigned |
| Resource Link(s): |
|
Charter:
Notum sit omnibus sancte matris ecclesie fidelibus tam presentis quam futuris quod ego Matildis de Bochland [et Ro]bertus filius petri filius et heres meus pro amore dei et beate Marie et pro salute animarum nostrarum et pro animabus petri de L[u]tegarhal et hugonis de bochland et pro salute petronelle uxoris predicti Roberti et omnium parentum et antecessorum et heredum et amicorum nostrorum dedimus et concessimus deo et ecclesie sancte Marie de Sudwica et canonicis ibidem deo seruientibus in liberam et perpetuam elemosinam ac puram capellam de Waleswrd quantum ad nos pertinet cum decimis et omnibus aliis rebus ad eam pertinentibus et cum eadem capella dedimus eisdem canonicis ad opus capellani in ipsa ministrantis unum masuagium cum crofta sua quod est inter domum Willelmi de Waleswrd hominis nostri et domum Willelmi forestarij qui tenet de vicedomino de pinkennj Dedimus quoque eis v acras terre quas memorata capella olim consueuit habere Quarum tres sunt ultra montes et ij citra montes Masuagium uero capellani quod solebat esse in dominico nostro iuxta curiam nostram nobis et heredibus nostris quietum et liberum remanebit Predicti autem canonici prouidere debent quod capellanus ibidem residentiam habeat et ibidem perpetuo ministretur Et ut nostra donatio et concessio stabilis in perpetuum et firma permaneat eam presenti karta et sigillis nostris confirmauimus Testibus Willelmo de bocland et Hugone fratre eius Willelmo de etona Galfrido murdac Rogero filio petri Roberto filio Ranul Willelmo filio ernaldi Roberto clerico Willelmo de Waleswrd Matefrej Willelmo filio Robertj Willelmo fratre Eustachio filio Willelmi Willelmo Diacono et multis alijs
Source (click image below to view full size)
