Charter Document - 05960098
| Charter Number: | 05960098 |
|---|---|
| Cartulary Title: | Deeds from Portsmouth and Its Area Before 1547 |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1182 |
| Date type: | Assigned |
| Resource Link(s): |
|
Charter:
[S]ciant Vniuersi ad quos presens scriptum peruenerit quod Ego Thomas la Wayte Filius Rogeri la Wayte pro amore dei et pro animabus Patris et Matris mee et pro salute mea et omnium parentum et amicorum meorum resignaui et quietam clamaui Deo et ecclesie beate Marie de Suthewyk et Canonicis ibidem deo seruientibus totam terram de Newelonde scilicet vnam virgatam terre et dimidiam cum pertinenciis suis et totum clamium et quicquid iuris in ea habui vel habere potui Tenendam et habendam eis in liberam puram et perpetuam elemosinam quietam et absolutam ab omni seruicio et exactione seculari ad me vel heredes meos pertinente Et pro hac quieta clamacione et resignacione predicti Prior et Conuentus dederunt mihi et Johanne vxori mee quo aduixerimus sex quarteria Bladi ad sustenacionem nostram annuatim apud Suthewyk percipienda Et vt hec mea quieta clamacio et resignacio stabilis firma que permaneat presenti scripto et sigillo meo corroboraui Testibus de Merlay Ada de Portesye et Multis Alijs
Source (click image below to view full size)
