Charter Document - 05960096
| Charter Number: | 05960096 |
|---|---|
| Cartulary Title: | Deeds from Portsmouth and Its Area Before 1547 |
| Charter Language: | Latin |
| Charter Origin: | Lay |
| Charter Type(s): | Grant, Quitclaim |
| Date: | 1181 - 1187 |
| Date type: | Assigned |
| Resource Link(s): |
|
Charter:
[S]ciant presentes et Futuri quod Ego Petrus de Cossham pro salute et Incolumitate domini Regis et pro animabus Patris et Matris mee et omnium antecessorum meorum et pro salute Anime mee et Vxoris mee Adeliz et omnium parentum et Amicorum nostrorum Concessi et presenti Carta confirmaui ecclesie sancte Marie de suthewica et Canonicis ibidem deo seruientibus in presencia domini Ricardi Wyntoniensis et S Cicestrensis A Watrefordensis Episcoporum et aliorum multorum qui tunc presentes aderant in dedicacione prefate suthewicensis ecclesie in liberam puram et perpetuam elemosinam unam virgatam terre quam Sericus tenuit et dimidiam virgatam iuxta eam quam Walteruus Paruus tenuit cum Bosco et prato et omnibus alijs pertinencijs earumdem quam virgatam et dimidiam dederam et confirmaueram Thome filio Rogeri in feudo et hereditate libere et quiete tenendam de me et heredibus meis Reddendo annuatim mihi duos solidos pro omni seruicio saluo seruicio domini Regis Hanc autem concessionem feci predicte ecclesie et Canonicis ad petitionem prefati Thome qui per assensum et voluntatem meam prenominatam virgatam et dimidiam cum pertinenciis earumdem pro anima Patris sui et antecessorum suorum in perpetuam elemosinam dederat Ad augendam vero dotem predicte ecclesie de Suthewyk in dedicacione sua predictos duos solidos quos solebam annuatim percipere de prefato thoma pro prenominata virgata terre et dimidia pro Amore dei et beate Marie virginis in cuius nomine eadem ecclesia dedicata est quietos clamaui et in liberam et perpetuam elemosinam eidem ecclesie dedi et ad huius elemosine mee incrementum adauxi et dedi eisdem Canonicis unam Croftam de terra mea que vocatur hehortsole que est iuxta eandem terram Vt autem hec Concessio et Donacio mea predicte ecclesie et Canonicis facta tam de virgata terre et dimidia quam de duobus solidis et predicta Crofta cum omnibus ad easdem pertinentibus sicut libera pura et perpetua elemosina stabilis firma que permaneat eam presenti Carta et sigillo meo confirmaui Pro hac autem Concessione et Confirmacione mea prefati Prior et Canonici in magna necessitate dederunt mihi quinque Marcas Argenti Testibus herberto Archidiacono Cant et hugone Bastard et Multis Alijs
Source (click image below to view full size)
