Charter Document - 05960094

Ricardus Dei Gratia Winton Episcopus Omnibus sancte matris ecclesie filiis tam presentibus quam futuris ad quos presens scriptum peruenerit eternam in domino Salutem Ad uniuersitatis uestre noticiam uolumus peruenire nos inuocata spiritus sancti gratia ecclesiam canonicorum regularium de Sudewic que in nostra dioecesi sita esse dinoscitur assistentibus etiam una nobiscum uenerabilibus fratribus nostris S Cicestrensi et A Wathrefordiensi episcopis de uoluntate et assensu Henrici illustris anglorum regis in honore gloriose genetricis dei Marie sollempniter dedicasse Nos ergo predicte ecclesie consecratores episcopi de dei misericordia et meritis beate uirginis confidentes religionem etiam dilectorum filiorum nostrorum canonicorum regularium ibidem deo iugiter ministrantium nichilominus attendentes omnibus Cristi fidelibus qui prefatam ecclesiam infra octo dies celebrationis anniuersarii dedicationis eiusdem post ebdomadam pasche honorauerint aut uisitauerint aut de bonis sibi collatis eidem benefecerint c dierum indulgentiam de iniuncta sibi penitentia concedimus in perpetuum Ut igitur huius consecrationis nostre auctoritas et prescripta indulgentia perpetuis temporibus robur optineat eam cum uniuersa dote in predominata dedicatione eidem ecclesie collata auctoritate episcopali qua licet indigni fungimur et presentis scripti patrocinio confirmamus Et ne memoratam dotem peruersorum malignitas turbare uel posterorum obliuio possit delere eam propriis donatorum et donorum duximus explicandam uocabulis Nos itaque in eiusdem ecclesie consecratione dedimus in liberam et perpetuam elemosinam memoratis canonicis terram in ciuitate nostra Wint in uico qui dicitur Garestret subtus castellum in parrochia sancti edmundi quam terram Suanus fustarius prius de sepe dictis canonicis tenuerat Johannes Mald dedit eisdem ibidem omnes decimaciones de omnibus rebus deci mandis que ei renouantur per annum in suo manerio de estburhunt et pertinentiis eius Reinelmus de Burhunt dedit quicquid iuris habuit in duabus acris ante maiorem portam canonicorum iuxta hospitale nouum usque ad filum aque que aqua a molendino canonicorum descendit usque ad molendinum eiusdem Reinelmi Dedit eis etiam quicquid iuris habuit in fonte qui dicitur Affewell Matheus Oisel dedit eis annuatim decimam molendini quod habet apud Croft de emptione sua et decimam feni quod habet ibidem Petrus de cosham et Adeliz vxor sua dederunt eidem ecclesie unam virgatam terre quam sericus tenet et dimidiam uirgatam iuxta illam quam uirgatam et dimidiam idem petrus prius dederat Thome filio Rogeri la Vaite sicut ipsius Petri carta testatur Ricardus de Denemed dedit eidem ecclesie licentiam et potentiam capiendi et fodiendi quantum necesse fuerit de Quarrarria sua de Gleteduna ad operationes canonicorum Ex auctoritate uero summe et indiuidue trinitatis patris scilicet et filii et spiritus sancti et Gloriose matris dei domine et aduocate predicti loci et omnium sanctorum sub anathematis interminatione et eterne pene comminatione firmiter inhibemus ne quis ipsius ecclesie per nos consecrate iura seu pacem aut possessiones minuat uel auferat aut disturbet Cunctis autem eisdem loci iura seruantibus et paci et utilitati ac religioni studentibus sit pax et honor et vita eterna in Cristo Ihesu Nos autem participacionem omnium bonorum que [fuerint] a nobis uel in ecclesia Winton seu in aliis ecclesiis nobis commissis eis concedimus in perpetuum Amen