Charter Document - 05960093

Ricardus Dei Gratia Winton[iensis] Episcopus Omnibus Christi Fidelibus tam presentibus quam futuris ad quos presens scriptum peruenerit eternam in domino Salutem Ad uniuersitatis uestre noticiam uolumus peruenire nos inuocata spiritus sancti gratia ecclesiam Sudwiciensem que in nostra dioecesi sita esse dinoscitur assistentibus etiam una nobiscum uenerabilibus fratribus nostris S Cicestr[ensi] et A Watreford[ensi] episcopis de uoluntate et assessu H illustris anglorum regis in honore gloriose dei genitricis Marie solemniter dedicasse Nos igitur prescripte ecclesie consecratores episcopi de dei misericordia et meritis beate virginis confidentes nec non etiam religionem dilectorum filiorum nostrorum canonicorum regularium ibidem deo ministrantium diligentius attendentes omnibus Christi fidelibus qui prefatam ecclesiam infra octo dies celebrationis anniuersarii dedicationis eiusdem honorauerint aut deuote uisitauerint seu de bonis sibi collatis eidem benefecerint centum dierum indulgentiam de iniuncta sibi canonice penitencia concedimus in perpetuum Vt igitur huius nostre consecrationis auctoritas et prescripta indulgentia perpetuis temporibus robur optineat firmitatis eam cum uniuersa dote in prenominata dedicatione eidem ecclesie collata auctoritate episcopali qua licet indigni fungimur et presentis scripti patrocinio confirmamus Et ne memoratam dotem peruersorum malignitas turbare uel posterorum delere possit obliuio eam propriis donatorum et donorum duximus exprimendam uocabulis Johannes Mald dedit eidem ecclesie in ipsius dedicatione omnes decimaciones de omnibus decimandus que ei renouantur per annum in suo manerio de Hestburhunt et pertinentiis eius Reinelmus de Burhunt dedit eidem ecclesie in dotem eius quicquid iuris habuit in duabus acris ante maiorem portam canonicorum iuxta hospitale nouum usque ad filum aque que subtus curiam canonicorum descendit usque ad molendinum ipsius Reinelmi Dedit etiam Reinelmus predicte ecclesie quicquid iuris habuit uel heredes sui in fonte de Affewell et liberam licentiam eundem fontem conducendi per feudum suum ad ipsam ecclesiam Petrus de Cosham et Adeliz uxor sua dederunt tunc eidem ecclesie in dotem coram nobis unam uirgatam terre quam Serichius tenuit et dimidiam uirgatam iuxta illam cum pertinentiis earumdem uirgate et dimidie Ricardus de Denemed dedit eidem ecclesie tunc in dotem tam in diebus suis quam heredum suorum facultatem et licentiam libere fodiendi et capiendi et asportandi quantum necesse fuerit de quarrarja de Gletedun ad operationes canonicorum eiusdem loci Ex auctoritate uero summe et indiuidue trinitatis patris scilicet et filii et spiritus sancte et gloriose matris dei Domine et aduocate predicte ecclesie et omnium sanctorum sub anathematis interminatione districte et firmiter inhibemus ne quis ipsius ecclesie per nos consecrate iura seu pacem aut possessiones minuat uel auferat uel disturbet Cunctis autem eiusdem loci iura seruantibus et paci ac utilitati et Religioni ipsius studentibus sit pax honor et uita eterna in Christo Ihesu Nos etiam participationem omnium bonorum que fiunt in ecclesia Winton seu in aliis ecclesiis nobis commissis eis concedimus in perpetuum Amen