Charter Document - 05960087
| Charter Number: | 05960087 |
|---|---|
| Cartulary Title: | Deeds from Portsmouth and Its Area Before 1547 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1180 - 1204 |
| Date type: | Assigned |
| Resource Link(s): |
|
Charter:
Willelmus de hum Constabularius Domini Regis Vniuersis sancte matris ecclesie filiis presentibus et futuris in domino deo salutem Nouerit uniuersitas uestra me dedisse et presenti karta confirmasse deo et ecclesie Sancte Marie de Suwica et canonicis ibidem deo seruientibus pro salute animarum patris et matris mee et pro salute anime mee et anime lucie vxoris mee et filiorum et filiarum mearum et pro salute animarum omnium antecessorum et successorum meorum quicquid ego habui apud Burhunt in puram et perpetuam elemosinam imperpetuum possidendam integre et plenarie et absolute quieta ab omni seruicio et ab omni exactione seculari In bosco et plano et aquis et uiis et semitis et in hominibus et in dominicis et in omnibus rebus et in omnibus locis et preter tenementum Michaelis de Baseuill et preter tenementum Alexandri de Bera et preter tenementum Roberti clerici que ego in manu mea retinui Testibus his Ricardo de hum Willelmo de Saio henrico de hum Jordano de hum [Thoma] de hum Engeramno de hum filiis meis testibus et concedentibus teste Radulfo capellano meo Odone pincerna horatio henrico medico Willelmo de capella Roberto de haia Gaufrido de Semill Engeramno de cardunvilla Roberto Aurifabro Roberto capellano Radulfo clerico de Airello et pluribus aliis
Source (click image below to view full size)
