Charter Document - 05960062
| Charter Number: | 05960062 |
|---|---|
| Cartulary Title: | Deeds from Portsmouth and Its Area Before 1547 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1177 - 1219 |
| Date type: | Assigned |
| Resource Link(s): |
|
Charter:
Sciant presentes et Futuri quod ego Daniel filius Ricardi filii Danielis dedi et concessi et presenti Carta confirmaui Henrico filio Ricardi fratri meo pro homagio et seruicio suo totam terram meam de Wanested cum omnibus pertinenciis suis exceptis duabus croftis quas Radulfus de Cruce tenet quas in manu mea retineo Preterea dedi et concessi memorato Henrico fratri meo totam terram meam que est de feodo Reinalmi de Burhvnt cum omnibus pertinentiis suis quam Ricardus pater meus tenuit Has terras prenominatas cum omnibus ad eas pertinentibus dedi et concessi et presenti carta confirmaui sepe dicto Henrico fratri meo tenendas sibi et heredibus suis de me et heredibus meis libere integre et quiete pacifice et honorifice Reddendo inde mihi et heredibus meis duos Solidos annuatim ad duos terminos videlicet ad Pascha xij denar et ad festum Sancti Michaelis xij d pro omnibus seruiciis ad me uel heredes meos pertinentibus saluo forinseco seruicio Et pro hac donatione concessione et confirmatione mea predictus Henricus frater meus dedit mihi Tres Marcas Argenti et quietas mihi clamauit decem Marcas Argenti quas in adquietatione terre mee de Cnolle iudeis pacauit Hiis Testibus Guidone Priore de Suwic Willelmo de Colevill tunc senescalco Stanford Benedicto de Hauersh Dauid filio Suani de Stanf et Alexandro et Henrico filiis suis Rogero de Scur Matheo fratre suo Rogero filio Henrici Alexandro de Burh Waltero et Henrico fratribus suis Matheo Oisel Willelmo filio suo Willelmo de Sancto Martino Waltero filio suo Waltero de Burh Alexandro de Bera Ada filio Pagani Simone de Burh Jocelino nigro Baudewino Canonico qui hoc scripsit et aliis multis
Source (click image below to view full size)
