Charter Document - 05960056
| Charter Number: | 05960056 |
|---|---|
| Cartulary Title: | Deeds from Portsmouth and Its Area Before 1547 |
| Charter Language: | Latin |
| Charter Origin: | Religious |
| Charter Type(s): | Indulgence |
| Date: | 1176 - 1188 |
| Date type: | Assigned |
| Resource Link(s): |
|
Charter:
[R]icardus dei gratia Winton episcopus Vniuersis Christi fidelibus ad quos presens scriptum peruenerit eternam in domino salutem Sicut de vestra omnium karitate confidimus nemo ex vobis est qui se ad opus bonum non gaudeat incitari Ea propter vniuersitatem vestram in domino propensius exhortamur quatinus sanctorum limina quociens oportunitas vobis celitus fuerit collata deuote et suppliciter visitetis et de peccatis vestris studeatis a domino vernam iugiter implorare Nos autem de misericordia omnipotentis dei et meritis gloriose genitricis dei Marie et beatorum apostolorum Petri et Pauli omnium que sanctorum confisi omnibus vobis qui ad ecclesiam de Porcestr que auctoritate nostra per manum venerabilis fratris nostri P Meneuensis episcopi consecrata est in anniuersario die dedicacionis sue siue infra octauas eiusdem deuote conueneritis de iniuncta vobis canonice penitencia decem dies relaxamus et orationum ac beneficiorum omnium que sunt in ecclesia Winton et in alijs ecclesijs nostris participium habere concedimus imperpetuum valete
Source (click image below to view full size)
