Charter Document - 05960053
| Charter Number: | 05960053 |
|---|---|
| Cartulary Title: | Deeds from Portsmouth and Its Area Before 1547 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1170 - 1189 |
| Date type: | Assigned |
| Resource Link(s): |
|
Charter:
Omnibus sancte ecclesie filiis tam presentibus quam futuris ad quos presens scriptum peruenerit Willelmus de humeto Salutem Sciatis quod ego pro salute anime mee et lucie vxoris mee et filiorum et filiarum nostrarum nec non et pro animabus patris et matris mee et omnium parentum et amicorum nostrorum et pro statu et conseruatione domini mei Henrici Regis dedi et presenti carta et sigillo meo confirmaui Ecclesie beate Marie de Sudwica et canonicis eiusdem loci in liberam et puram et perpetuam elemosinam integram et quietam ab omni exactione et seruicio seculari ad me uel heredes meos pertinente terram quandam de manerio meo de Westburhunta quam Radulfus crabbe tenuit que est inter stapelcroft et terram Rogeri Maword cum homine ipso et masuagio et cum duabus acris super montem et cum omnibus aliis rebus ad eandem terram pertinentibus Et hoc feci pro amore dei et beate Marie cui predicti canonici deuote seruiunt per instantiam et petitionem predicte Lucye vxoris mee ad inueniendum luminare coram Crucifixo in predicta ecclesia Sudwicensis Testibus Roberto de la haie Willelmo de Piro Rogero des mustiers Gaufrido de Piro Willelmo de Sureuill Alexandro de Burhunta Roberto de Ranuill Henrico daco Willelmo de Sai et Henrico fratre eius Willelmo de coleuill et Roberto fratre eius Saluagio Thoma de la bere Alexandro de la bere Willelmo fratre Hiredman Hugone Thoma de sancta Maria
Source (click image below to view full size)
