Charter Document - 05960050

Omnibus sancte matris ecclesie filiis tam presentibus quam futuris Alexander de Burhunt salutem Notum sit uobis omnibus quod ego pro amore dei et beate uirginis Marie et pro salute anime mee et uxoris mee et pro animabus patris et matris mee et aui mei et auie mee et fratrum et parentum et amicorum meorum dedi et concessi et presenti carta confirmaui deo et ecclesie sancte Marie de Sudwic et canonicis eiusdem loci in liberam et puram et perpetuam elemosinam totam decimationem meam et totam partem meam de communi de appelstede quicquid est inter duas aquas et similiter molendinum quod est ante portam meam cum tota terra ad molendinum pertinente et iuncheram siue insulam que est iuxta molendinum inter uetus filum aque et aquam molendini Terra autem que ad molendinum pertinet extenditur usque ad terram Reinelmi uersus orientem et usque ad filum aque excluse etiam molendini aperientes et claudentes in pace remaneant Concessi etiam priori et canonicis quod possint stagnum molendini predicti erigere eleuare et roborare usque ad certam metam ubi alnus quodam fuit que satis nota fuit uicinis et etiam ultra metam illam latitudinem septem pedum Dedi etiam eis et concessi quicquid habui iuxta Sadewelle ab aqua usque ad uiam que extenditur a barra usque ad pontem et uiuarium canonicorum Concessi etiam eis septem acras de dichedecroft propter septem acras de Gerseworde Sed graua de Gerseworda remanebit ecclesie que modo sartata est et concessi eis Smithcroft et uplongemore propter septem acras supra montem in parte occidentali uie qua itur a Sudwica ad porcestr Concessi etiam eis sex acras de chirchfurlang iuxta spinam pro quinque acris in duobus Garstunis meis et una acra ultra montem Concessi etiam eis dimidiam acram in blakefurlong pro tribus butteris trium acrarum in australi parte de Wlfiedemhore et tres acras in tenemento serici surleuoche et duas in terra odonis pro v acris in meo clauso et duas acras in australi parte pantulfeslie pro dimidia acra Rogeri sturue de mea garstuna et dimidia acra in oriente uie inter terram Wlmeri et una hauedgraue in meo marlicio et acram que fuit colemanni pro acra de Siouledeland Quare uolo et firmiter concedo quod predicta ecclesia de sudwica et canonici eiusdem omnia predicta libere et quiete et integre ab omni seruitio et exactione habeant et teneant in perpetuum et ut hec donatio et concessio mea in omnibus rebus stabilis sit et perpetua atque firma permaneat eam presenti carta et sigillo meo prenominatis canonicis confirmaui Prior quoque et conuentus animam patris mei in plenam fraternitatem receperunt et eius anniuersarium et meum post obitum meum singulis annis sollemniter celebrabunt Huius rei testes sunt Aelardus prior de Sancto Dionisio Audoenus de Exton decanus Augustus et Andreus de ferlinget presbyteri Reinelmus de Burhunt Ricardus frater eius Ricardus de denem et Reginaldus Hamo de midelt Adam de Tiggehale Petrus de Wingeh Ricardus filius Danielis Willelmus filius Drogonis Willelmus frater Ricardi Ansgod Thomas cementarius Rogerus lancel Simon filius Geroldi Hugo Wac Thomas de sancta Maria Alexander brito et Philippus Robertus et Willelmus Walterus Radulfus Hiredman