Charter Document - 05960039
| Charter Number: | 05960039 |
|---|---|
| Cartulary Title: | Deeds from Portsmouth and Its Area Before 1547 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1165 |
| Date type: | Assigned |
| Resource Link(s): |
|
Charter:
Henricus de Mednill et Adelidis uxor sua Uniuersis sancte matris ecclesie filiis Salutem Notum sit omnibus quod nos pro salute et incolumitate nostra et pro animarum nostrarum redemptione et animarum antecessorum parentum nostrorum et nominatim Roberti de Ruenora deliberatione et pro statu et prosperitate domini nostri Ricardi de Humet et liberorum eius damus et concedimus et presenti carta confirmamus deo et ecclesie sancte Marie de Sudwica et canonicis ibidem deo seruientibus dimidiam virgatam terre de hereditate nostra de Ruenora in perpetuam elemosinam illam scilicet dimidiam uirgatam quam Rogerus de Bedeham nouissime a nobis tenuit liberam ab omni seruicio excepto seruitio Regis uel alio Seruicio quod desuper nos ueniat unde nec terram nostram nec illam defendere possimus Hanc elemosinam prefate ecclesie de Sudwica damus et quam diu sumus in uita superstites in consilio et orationibus presentium et futurorum fratrum ecclesie maneamus et post nostrum decessum in missis et uigilijs in elemosinis et cunctis ecclesie beneficiis memoria nostri ibi perpetuo habeatur et nominibus nostris inter fratrum nomina scriptis anniuersaria dies nostri decessus annuatim cum debito officio sicut de uno fundatorum ecclesie agitur commemoretur His testibus Radulfo de Mednill Willelmo de Risford Roberto de Ramuilla Reynalmo Ricardo filio danielis Ricardo de Wimering Hamone bretu Rogero clerico
Source (click image below to view full size)
