Charter Document - 05960029

Sciant uniuersi sancte matris ecclesie filii inter Walterum priorem et conuentum [ecclesie] sancte Marie de Sudwica et herbertum de burhunta pro quibusdam terrarum cambiis que tempore Regis Henrici facta fuerunt inter ecclesiam et ipsum herebertum et post ea uariata et pro communibus pasturis que simul communicare deberent que herebertus inclauserat et in proprium et dominicum occupauerat discordiam et rixam ortam fuisse pro qua sedanda et pacificanda iusticia domini de porcest et uicini et amici ecclesie multociens conuenerunt set negocium terminare secundum quod utriusque partis poscebat utilitas non potuerunt Herebertus autem cum decidisset in infirmitatem qua de hac uita subtractus est congregatis amicis suis pro priore et fratribus ecclesie misit et humiliter penitens recognouit quod malo consilio usus iniuste aduersus suam matrem ecclesiam contenderat et in multis iniuste eam uexauerat Quare quicquid de recto ecclesie occupauerat vel de sua elemosina detinuerat in manu prioris reddidit et eum inde per uiridem ramum seisiauit Et ut firma pax inter ecclesiam et heredes suos esset iussit Alexandrum filium suum [et] heredem in manu prioris promittere quod hoc manuteneret erga ecclesiam firmiter quod tunc ordiret et nullo consilio aliquid mutaret et ipse hoc fecit Primum itaque recognouit quod decimationem suam et capellam deo et canonicis multo tempore ante dederat et de hoc multum gaudebat Recognouit etiam quod pro anima matris sue locum molendini cum terra ad molendinum pertinente ecclesie dedit et canonici molendinum fecerunt illud uolebat quod in perpetuam elemosinam ecclesia teneret Adhuc cum in carcere esset porc pro deliberatione sua uouit deo unam uirgatam terre in elemosinam ecclesie daturum pro qua uirgata cum de carcere exisset dedit partem suam canonicis de communi de apelsted scilicet totam partem suam de communi inter duas aquas Istas elemosinas liberas ab omni seruicio quod sibi retinuisset ecclesie dedit concessu omnium filiorum suorum et priorem multis precibus requisiuit ut cambia terrarum recognoscere faceret per sacramentum legalium hominum uicinorum quomodo fuerunt tempore Regis Henrici et sic remanerent et prior ei hoc facturum promisit Herberto hoc modo ecclesie sue reconciliato ipse defunctus est Alexander autem heres suus uolens patris sui elemosinam augere et crescere pro anima patris sui terram de Sadewlla subtus uiam ecclesie dedit concessu omnium fratrum suorum qui omnes cum eo terram super altare obtulerunt ut patris eorum anniuersarium semper in ecclesia fieret Post mortem autem patris sui hereberti hec conuentio inter ecclesiam et Alexandrum facta fuit quod prior elegit iiij homines de hominibus Alexandri Scilicet Selingar et Sewinum Ribout et Gocelinum nigrum et Edwinum harel et Alexander elegit ex hominibus prioris Rogerum clericum Blachemannum Sewardum Paganum Adhuc communi consilio utriusque partis elegerunt de hominibus Reinelmi de burhunta Willelmum de Moruilla et Rogerum sturne Hij x iurauerunt quod ueritatem dicerent de cambiis et de pasturis et ecclesie et Alexandri secundum suam scientiam Per sacramentum istorum recognitum est vij acras de Gerseworde esse cambium propter vij acris de Dichedecrofta et graua iuxta Gerseworde in occidente remansit ecclesie et alia graua tota remansit Alexandro Recognitum est vii acras supra montem in aquilone uie esse cambium propter smidcrofte et Wlgide more Recognitum est v acras in suis duobus garstunis et i ultra montem esse cambium propter vi acras de chirichfurlonga ad spinam Recognitum est la bienhalue esse de ecclesia Unam acram iuxta dimidiam acram Dunningi in aquilone de ecclesia Recognitum est ij acras de Sadewlla esse de ecclesia et v acras de oseden esse de ecclesia Recognitum est unam acram esse de ecclesia que est supra duas acras Reinelmi et acram in uia de Wimeringes supra quam uia est Recognitum est i hafdacram inter suos duos marliz esse de ecclesia et quod Wlmerus et sua parca erat de ecclesia Recognitum est dimidiam acram que fuit Rogeri sturne in suis garstunis de ecclesia esse Subtus apsancre acra que fuit aldwini Peche de ecclesia Recognitum est in australi parte sui marliz dimidiam acram recisam de tribus acris et dimidia ecclesie Et super Wlfiede more butieres trium acrarum de ecclesia que remanserunt Alexandro propter dimidiam acram in blakefurlong Recognitum est in stapelcrofte unam acram iuxta bruces et dimidiam acram super montem iuxta nostram fracturam Dimidiam acram in clauso Reginaldi et pratellum et curtillagium de ecclesia Iuncturam que fuit Wlwardi cnaue de ecclesia In clauso Alexandri v acras Cambium istorum habet ecclesia iij acras in tenemento Serici Surlefoche et ii cum terra odonis Recognitum est chaluecrofte esse commune Recognitum est omnem []odhulle esse communem et quod post mortem Henrici Regis inde captum esset reuerti in commune Terram ante domum Reginaldi Dunstanuile esse communem Recognitum est foueam ante molendinum in occidente usque ad pontem et duo pratella esse de ecclesia Ad colemere est dichedecrofte de ecclesia Recognitum est per legitimos uicinos et iuratores unam salinam de Porc esse Inter ecclesiam autem et Alexandrum factum est istud cambium consilio iuratorum et uicinorum Dimidia acra Rogeri Sturne de sua garstune et dimidia acra in oriente uie inter terram Wlmeri et hafdacram inter suos duos marliz remanent Alexandero propter duas acras de Sudpanteolfeslie His terris ita recongnitis et perambulatis et inbreuiatis quia terre seminate erant ne Alexander laborem et semen suum amisisset concessit ei prior ut teneret usque ad festum sancti Michaelis sequencis et tunc cum terre segete euacuate essent eas liberaret et quod prius commune erat in commune reuerteretur Et ut libenter [et b]ono animo hoc faceret prior dimisit ei unum feorderingum terre scilicet terram ad horeapeldre quam iuratores testificabant de feudo pantulfi et angulum de pleiseiz et unum suum natiuum scilicet edwinum harel Cum autem uenisset festum sancti Michaelis Alexander partim de terris deliberauit partim retinuit vnde iterum inter ipsum et ecclesiam rixa surrexit Et quia contigit quod rex eodem anno denegeldum de terra accepit Alexander uoluit ecclesiam de elemosina patris sui et sua in seruitium ponere uoluitque ut quicquid ecclesia de feudo suo tenebat pro dimidia hida se defenderet Prior autem nolens in seruitium intrare quod nunquam ante ecclesia fecerat consilio amicorum et uicinorum erga Alexandrum finiuit et ei unum palefridum et unam marcam argenti dedit vt ecclesia predictas elemosinas libere et quiete ab omni seruitio et omnibus auxiliis que a Rege siue a dominis requiruntur inperpetuum et ab ipso et ab heredibus suis teneret Et ut ei duas acras et dimidiam que sunt in Shadewlla de feudo hamelini Alexander erga Robertum de feueresham cambiaret si posset et si non posset priori ualentiam illarum acrarum in alio loco daret Et Alexander hoc totum concessit et presenti scripto confirmauit His testibus Gileberto de Extuna et fratre eius Reginaldo de hamel Willelmo de Risfort Osberto fratre eius Ricardo presbytero de Wimeringes Ricardo filio danielis Reinelmo de burhun Ricardo fratre eius Petro de cosham Roberto de ho Henrico clerico de hamel Bernardo Henrico et Radulfo fratribus Alexandri Selingar Edwino harel Simone de hamel Rogero clerico Godwino turneor Osmundo et Roberto filiis eius Elgaro Ricardo curtill Edmundo Ada coc Blacemano Sewardo Pagano Semano peche Semano Mercatore Odone