Charter Document - 05950128
| Charter Number: | 05950128 |
|---|---|
| Cartulary Title: | Abingdon Abbey Charters |
| Charter Language: | Latin |
| Charter Origin: | Religious |
| Charter Type(s): | Record |
| Date: | 1119 |
| Date type: | Internal, Abbot-Prior |
| Resource Link(s): |
British Library - Cotton MS Claudius C IX (f164v) |
Charter:
Anno III post obitum abbatis Faritii cum adhuc abbatia hec in attentione abbatis fuisset et consideratione regia ad id adipiscendum dominium ecclesie erat quietum a geldis que exigebantur in comitatu uniuerso Sed tamen in comitatu Berchescira a collectoribus amplius exigebatur quam debebatur de gildatione ecclesie contingenti et hoc frequenter Vnde clamore apud regiam iusticiam facto decretum est ut aliquis de ecclesia affidaret fide in comitatu predicto de quot hidis dominiis ecclesia deberet quietari scilicet per episcopum Saleb[er]riensem Rogerum et per episcopum Linc[oliensem] Robertum et Rannulfum cancell[arium] qui nominatim multum adiuuit inde et Radulfum Basset Itaque sedente comitatu apud Suttunam et Willelmo de Bochelande uicecomite existente die lune post festum sancti Martini proximo Rogerus de Harteluilla homo ecclesie pro ecclesia affidauit fidem in manu ipsius uicecomitis uidente toto comitatu quod de septies XX hidis de dominio deberet abbatia in Berchescira esse quieta quando gildaretur Tunc erat collector comitatus Edwinus presbiter de Celsi et [S]amuel filius eius Ibi fuerunt de nostris Robertus sacrista et Willelmus Brito et alter Willelmus monachus et Willelmus de Suuecurda et Turstinus et Radulfus camerarius et multi alii