Charter Document - 05950112
| Charter Number: | 05950112 |
|---|---|
| Cartulary Title: | Abingdon Abbey Charters |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1115 |
| Date type: | Internal, Regnal |
| Resource Link(s): |
British Library - Cotton MS Claudius C IX (f147v) |
Charter:
In comitatu Suthfolc habetur uilla Eadwardestun appellata cuius dominus Hubertus de Monte Canesi dicebatur Hic familiaritate abbatis Faritii adductus ecclesiam predicte uille cum omnibus sibi pertinentibus monasterio Abbendonensi iure perpetuo donauit et coram deo et altari sancte Marie in Abbendonensi oratorio et coram abbate et fratribus eiusdem ecclesie et testibus Albrico scilicet iuniore de Ver et Ricardo Bisceat et multis aliis donationem ipsam confirmauit anno XV regni Henrici regis eo scilicet tenore ut locus ille semper monachili consistorio frueretur et seruiretur nullaque capellano eiusdem domini foret licentia ibidem indicere uel suscipere etiam presente eodem domino siue ipsius familia aliquid nisi quod uelle monachorum illic degentium concederet Quid uero aut quantum cum eadem ecclesia tunc temporis collatum fuerit regie ad comitatum Suthfolc tunc directe littere attestantur quarum forma hec fuit []