Charter Document - 05950097
| Charter Number: | 05950097 |
|---|---|
| Cartulary Title: | Abingdon Abbey Charters |
| Charter Language: | Latin |
| Charter Origin: | Royal |
| Charter Type(s): | Gift |
| Date: | 1110 |
| Date type: | Internal, Event |
| Resource Link(s): |
British Library - Cotton MS Claudius C IX (f148r) |
Charter:
Henricus rex Angl[orum] Rogero episcopo Salesb[er]ie et Hug[oni] de Boch[elanda] et omnibus baronibus et fidelibus suis francis et anglis de Berchescira salutem Sciatis me dedisse et perpetuo possidendum concessisse deo et sancte Marie in Abbendonensi ecclesia ad opus elemosine ipsius ecclesie quoddam molendinum quod uocatur Enora quod situm est super flumen Eoche cum omnibus sibi pertinentibus scilicet terra prato aqua pascuis et cum omnibus consuetudinibus suis sicuti ego ipse melius et liberius et quietius illud molendinum unquam tenui in dominio meo T[estibus] Rogero episcopo Salesb et Roberto episcopo Lincol et Iohanne episcopo Bathense et Willelmo de Curci et Willelmo de Albini pincerna et Nigello de Oilli et Thoma de Sancto Iohanne et Radulfo Basset et Hugone de Bochelanda et Waltero de Gloec[estra] et Goisfredo de Clinctuna Apud Wdestoca in parco in anno quo rex filiam suam Romano imperatori dedit