Charter Document - 05950092

Consuetudo huius ecclesie est a tempore domni Ordrici abbatis ut de unaquaque naui Oxeneforde ciuitatis que transitum fecerit per aquam Tamisie prope curiam Abbendonensem uersus australem scilicet partem diffluentem cellarario centum allecia omni anno more debito reddantur aut pro eis condignum pretium ita ut nauium remiges non interrogati eadem cellarario deferant a tempore uidelicet Purificationis sancte Marie usque ad Pascha Quod si eorum aliquis hanc consuetudinem detinuisse inuentus fuerit huiusmodi nauem cellararius ne per aquam transeat ecclesie iure detinet donec sibi rectum faciat Hanc ecclesie consuetudinem tempore domni Faritii abbatis naute predicte ciuitatis moliti sunt ecclesie abripere sed cito eos ab hac temeritate disratiocinatione iusta idem abbas repressit ita ut eadem regi Henrico allegaret et rex per sua breuia iusticiariis suis et uicecomitibus Berchesire et Oxenefordscire preciperet quatinus rectam iusticiam inde facerent ne ecclesia ultra huiusmodi consuetudine sua careret Itaque eodem rege regnante anno imperii sui undecimo et Thoma de Sancto Iohanne ac Ricardo de Monte Oxenefordscire uiceomitibus constitutis apud eandem Oxeneford ciuitatem in domo Hardingi presbiteri de hac re placitum habitum est et maiorum eiusdem loci communi iudicatum est decreto Abbendonensem ecclesiam iustam rem exigere et eam a ciuitatis totius nauigio debere omni anno persolui Sequenti quoque post hoc anno Radulfus cellararius eisdem coadunatis Oxeneforde primoribus questus est quod de quibusdam eorum nautis necdum iam decretam consuetudinem habuisset Quibus ilico accersitis precipitur manibus eiusdem cellararii debitum eidem ecclesie coram reddere Et ita factum est cunctis qui aderant testibus Ad hanc disratiotionem fuerunt hi presentes Ricardus de Monte tunc uicecomes Walterus archidiaconus et multi alii