Charter Document - 05950083
| Charter Number: | 05950083 |
|---|---|
| Cartulary Title: | Abingdon Abbey Charters |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1107 - 1108 |
| Date type: | Assigned |
| Resource Link(s): |
British Library - Cotton MS Claudius C IX (f154v) |
Charter:
Ego Rotbertus comes de Mellent rogatus fui a Willelmo Guizenboeth et ab amicis suis et baronibus meis ut concederem deo et sancte Marie in Abbendonensi ecclesia quandam hidam terre que est in uilla Dumeltuna in hundredo de Gretestan quam idem W[illelmus] ante me et meos barones dederat in elemosina perpetuo habendam supradicte ecclesie Quod libenter annui et uoluntarie concessi quia de feudo meo erat pro remissione peccatorum meorum et anime mee salute Hoc denique feci coram subscriptis testibus et me rogantibus scilicet eodem Willelmo et Ricardo capellano et Goisfredo medico et Nigello de Oileio et Roberto filio Ansketilli et Gosfredo Ridello et Radulfo uicecomite et Roberto filio Ercenboldi et Roberto filio Rogeri et Rodulfo de Furcis et Rogero filio Rodulfi nepote Nigelli Luuello de Peri et Willelmo nigro homine eiusdem W Guizenboeth et Rogero Frangelupum et aliis multis et Warino homine abbatis et Rainaldo et Lamberto Hec omnia acta sunt coram me et per me scilicet comitem de Mellent et ante omnes suprascriptos fecit Willelmus Guizenboeth donum istud pro se et filio et uxore et omnibus heredibus suis et promisit auctoritatem omnium se esse facturum