Charter Document - 05950056

Ego Henricus dei gratia rex Anglorum consilio et assensu Mathildis uxoris mee baronumque meorum tam presulum quam laicorum reddo atque concedo et in perpetuum confirmo deo et ecclesie sancte Marie de Abbendona et abbati monachisque eiusdem cenobii decem hidas in Esperesholt que et alio nomine uocatur Fagaflora uidelicet quas tenet inpresentiarum Hugo filius Turstini curie mee dispensator Vnde uolo et precipio ut ipse Hugo et quicumque post eum eas habuerit hominium inde ecclesie et abbati ac fidelitatem faciat Et tale seruitium inde faciat predicte ecclesie atque abbati quale factum fuit ab Anskillo eidem ecclesie tempore regis Willelmi patris mei et tempore Adelelmi eiusdem loci abbatis Et hoc pro animabus patris matrisque mee et fratris mei regis Willelmi et anime mee necnon pro salute uxoris mee Mathildis regine omniumque fidelium dei defunctorum facio et propria manu confirmo et consigno Testibus subscriptis + Ego Henricus rex redditionem et donationem hanc signaui Ego Rannulfus Dunelmensis episcopus interfui + Ego Iohannes Batoniensis episcopus interfui et confirmaui + Ego Herueus Pangornensis episcopus interfui + Ego Robertus Lincoliensis episcopus interfui et confirmaui + Ego Rogerus electus Salesbiriensis episcopus interfui et confirmaui + Ego Willelmus de Werelwast interfui + Ego Waldricus regis cancellarius interfui et confirmaui + Ego Grimbaldus medicus interfui + Nos dapiferi Henrici regis Eudo Rogerius Bigod Haimo interfuimus et concessimus + Ego Vrso de Abetot interfui + Ego Walterus filius Ricardi interfui + Ego Rogerus de Oilei constabulus interfui Hoc actum est anno Dominice incarnationis MCV indictione XIII anno uero Henrici serenissimi regis quinto in curia eiusdem regis apud Romesei