Charter Document - 05950019

Willelmus de Curceio regis dapifer hunc plurimo excolere abbatem solebat amore Huius uilla erat Niweham transfluuium Tamesim sita uille uero que Culeham dicitur contermina de qua in gestis abbatis Adelelmi fit mentio Idem itaque regis dapifer eiusdem sue possessionis ecclesiam cum terra id est una hida et decimis siue cyrosceattis reliquisque suis consuetudinibus abbati Faritio et monachis in Abbendonia perpetuo dono concessit preter duas portiones sue proprie decime ex eadem uilla huius autem rei donationem cum sua coniuge altari sancte Marie imposuit atque coram his testibus confirmauit Serlone episcopo de Sais Nigello abbate de Bertona et multis aliis Non multo post uero tempore predictus abbas cum eodem Willelmo de duabus suprascriptis portionibus decime sermonem habuit et de quadam piscatione que Anglie nominatur Sotiswere quatinus et ista cum predicta donatione ecclesie sancte Marie et sibi condonaret De his quoque rebus dum abbas se intromitteret apud eundem uirum per uiginti marcas argenti finem fecit ita ut ipse concessum cum litteris sigillatis regis prefati de omnibus iam dictis donationibus requireret et requisitum Abbendoniam deferret et die festiuitatis Romani Rothomagi archiepiscopi coram omni conuentu monachorum et presentia horum laicorum super altare sancte Marie offerret Willelmi regis camerarii Wini et multorum aliorum Et misit ipse Willelmus dapiferum suum Goisfredum et saisauit inde ecclesiam et abbatem per Willelmum cellararium Piscationi predicte adiacent septemdecim acre telluris Que tali ipse abbas decretione monasterii officinis locauit capellam predicte uille cum rebus suis uniuersis edituo duas uero decime dominii partes elemosinario piscariam cellarario impertire curauit