Charter Document - 05940174
| Charter Number: | 05940174 |
|---|---|
| Cartulary Title: | The Cartulary of Montier-en-Der, 666-1129 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1090 |
| Date type: | Assigned |
| Resource Link(s): |
|
Charter:
Ego Philippus gratia Dei Trecorum episcopus Notifico omnibus sancte Dei ecclesie filiis comitem Breonensem Airardum ad nos uenisse et de tortitudine quam ecclesie sancti martyris Leodegarii in uilla que Requiniacacurtis dicitur in pago Breonensi inferebat se culpabilem reddidisse Denique pater eius bone recordationis Gualterus et mater ipsius Gualteri Petronilla ipsam uillam libertauerant et a predecessoribus nostris episcopis eidem ecclesie libertatem inpetrauerant Vnde ipse comes Airardus iusticiam infra sepes ipsius uille et prius in presentia baronum suorum guerpiuit et postmodum in curia nostra coram uenerabilibus ecclesie nostre personis recognouit Quod etiam sub anathemate firmari fecit Si quis ergo uel ipse uel aliquis heredum eius hoc infirmare uoluerit communione ecclesiastica careat et memoria eius de terra uelociter pereat S Philippi episcopi S Drogonis archidiaconi cum aliis