Charter Document - 05940173
| Charter Number: | 05940173 |
|---|---|
| Cartulary Title: | The Cartulary of Montier-en-Der, 666-1129 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1083 - 1121 |
| Date type: | Assigned |
| Resource Link(s): |
|
Charter:
Quoniam omne quod canonice diffinitur priuilegium canonica carta fieri debet sicque memorie posterorum tradi ideo ego Philippus Dei gratia Trecensium episcopus notum fieri cupio omnibus scire uolentibus tam presentibus quam futuris canonicos Rusniacensis ecclesie meam presentiam accessise summopere postulantes quatinus predicte ecclesia cartas a predecessoribus meis diffinitas renouarem quodque meo tempore ipsi iuste adquisiuerunt uel alii pro redemptione animarum suarum eis dederunt litteris meo sigillo signatis confirmarem Quorum petitioni quia saluberimam eam intellexi adquiescens libertatem ecclesie qua tempore meorum antecessorum extitit saluo iure ecclesia concessi uidelicet ut in ecclesia predicta a canonicis ipsius capellanus eligatur siue ex ipsis canonicis siue alius qui presentie huius loci presulis uel archidiaconi ab eisdem representetur eo tenore ut presens officium suum exerceat illiusque absentis uicem ecclesia suppleat Concede etiam atque precipio quod domus Dei que adiacet Rusniaco ecclesie ipsius castri sit subdita sicut fuit tempore Alberti qui eam prius edificauit Vt conuentus ecclesia a fratribus domus super negotiis suis consulatur consilioque canonicorum ipsa domus disponatur Preterea concede predicte ecclesia illam partem quam canonici soliti sunt accipere in oblationibus atque decimis Iuncariensis ecclesia cum oblationibus ecclesia Valentiniaci Insuper ecclesia Rusniacensi annuo quod canonici eiusdem ecclesia in ecclesia Braioli capellanum eligant quem basilice Trecensis presentie presulis offerant Si quis uero quod absit hec a nobis concessa contradicere conatus fuerit ilium qui hoc facere presumpserit non solum interdicimus uerum etiam anathamatis gladio ferientes ab omni communione sancte ecclesia sequestramus Inde sunt testes Rainaldus prepositus et archidiaconus et Odo archidiaconus et Manasses archidiaconus et Wido archidiaconus et Teobaldus archidiaconus et Odo cantor et Hugo de Viaspro et Tegerus frater eius et Fulco filius cantoris et Galterus filius Angelmeri et Petrus filius Gisleberti