Charter Document - 05940170

In nomine sancte et indiuidue trinitatis Ludouicus superna preordinante clementia rex Si Christi sacerdotum Deique seruorum postulationibus serenitatis nostre assensum libenter prebuerimus eorumque iustis obsecrationibus gratanti animo aurem accommodauerimus hoc nobis ad presentis uite salutem feliciter obtinendam et ad eterne felicitatis gloriam capessendam profuturum procul dubio credimus Quocirca nouerit prudentia omnium fidelium nostrorum presentium scilicet et futurorum quoniam Barnoinus sacre Viennensis ecclesie archiepiscopus nostram cernue adiens mansuetudinem petiit ut quoddam monasterium prefate ecclesie Viennensis in honore sancte Dei genitricis Marie sanctique Teuderii confessoris Deo dicatum in eiusdem ecclesie parochia situm atque Adalrico abbati monachisque quondam Deruensis cenobii ad regendum et Deo seruiendum commissum precepto nostre auctoritatis muniremus ac iuxta episcoporum testamentum pie et misericorditer corroboraremus Cuius sacratissimis precibus regali more annuentes monente domina genitrice nostra que Christi succensa amore prelibatos monachos una cum eodem archiepiscopo in predicto cenobiale collocauit statuimus et decernimus idem monasterium secundum apostolicum decretum et prenominati archiepiscopi statuta semper mansurum scilicet ut quidquid a senioribus aut a Dei fidelibus eidem loco est et fuerit collatum nullius impulsu auferri cogatur et absque alicuius inquietudine res ad ipsum pertinentes perpetuo permaneant Quoniam quidem et sagacitas principum nostrorum omnimodis uolumus et comperiat prelibati monasterii rectores uidelicet abbatem Adalricum eiusdemque monachos sub nostri regiminis apice atque tuitionis defensione constitutes et ex hoc et deinceps nostro senioratui inclyti archiepiscopi Barnoini commissu et grata nostra pietate adhibitos ut cuiusdam ualitudinis audacia non presumat illis quidquam inferre mali nec in ullo necessitatis negotio audeat ipsis aduersari nullius etiam temeritas aut cupiditas aut inuidia presenti abbati futurisque locum eumdem muneribus subripere tentet Decedente quoque more humano abbate non aliter nisi cum electione et uoluntate eiusdem cenobiali monachorum ibi imponatur abbas sed omnia sicut apostolicum sancit decretum episcopale autem assentit testamentum ita in perpetuum permaneat nostra regali pia auctoritate roboratum quatenus ibi laudes Dei assidue et patienter peragantur Et ut hoc nostre auctoritatis preceptum nostris futurisque temporibus inconuulsam atque inuiolabilem obtineat firmitatem manu propria subter roborantes annuli nostri impressione obsignari iussimus Sigillum Ludouici serenissimi regis Arnulfus notarius ad uicem Barnoini archiepiscopi recognoui et subscripsi Actum est hoc preceptum apud Lugdunum anno incarnationis dominice DCCCXCVI indictione xv anno vi regnante Ludouico serenissimo rege