Charter Document - 05940169

Vniuersalis sancte Dei ecclesie ordo qualiter a sanctis patribus sit constitutus sub qua etiam cura pastoribus sit commissus scilicet ad bene gubernandum pieque custodiendum eorumdem sanctorum patrum decretum studiose legentibus satis enucleatim elucidatur Vnde unicuique pastorum summopere precauendum est ut sicut supradictorum instituta declarant omni sollicitudine pro possibilitate peragere studeat et ne sibi commissum aliquem minorationis lapsum patiatur sed potius augmentetur tam in spiritalibus quam in temporalibus prudenti sagacitate desudet Quam ob causam ego Barnoinus sancte matris ecclesie Viennensis humilis episcopus quoddam coenobiolum ecclesie nostre sub honore sancte Dei genitricis Marie sanctique Teuderii confessoris Deo dicatum uidentes ob huius seculi uarios fluctus ad uastitatem usque deduci ob amorem Dei sancteque Dei ecclesie nobis commisse honorem animeque nostre emolumentum monachos ibidem ex Deruensi monasterio ad Deo seruiendum et sub sancti Benedicti patris regule norma militandum ac ad eumdem locum reedificandum et restaurandum ponere et collocare delegimus atque ilium eis eorumque abbati Adalrico sub apostolica auctoritate testamentoque episcopali concessimus scientes quippe eos secundum Dei placitum ibi degere et religiose manere locumque exstruere perscrutari diligenter non distulimus quid illis aliquo subsidio accumulare posemus quo letius et alacrius omnia agenda agere Deoque deseruire ualerent Tandem annuente et petente filio nostro Hugone qui ibi et temporalibus et spiritalibus pro sensus capacitate est alitus alimentis ratum duximus ut quidquid census ex omnibus ecclesiis quas ipse locus a bonis et sanctis uiris collatas possidet episcopo proprio et archidiacono usu antique conferri dignoscitur eidem monasteriolo integerrime ab hodierna die et deinceps persoluatur uidelicet ex ecclesia Sancti Desiderii que est sita in uilla que dicitur Lepiacus cum suis subiectis ex ecclesia interum Sancti Desiderii quas est posita iuxta uillam Pinus cum omnibus ad se respicientibus et ex tertia namque ecclesia Sancti Petri in uilla Mercatoris cum capella sibi subiecta in honore Sancti Stephani et uilla Fontanas cum omnibus decimis ad eas pertinentibus adiecta ecclesia Decimiaci uille et ecclesia Sancti Babyle in Viniaco uilla necnon ecclesia Sancti Mauritii in Arsitia uilla que caput est ipsius abbatie Sicque hoc nostrum decretum custodiatur ut ab hodierno die prescripte ecclesie absque contradictione cum suis subiectis quidquid soluunt quemadmodum supra scripsimus abbati prefati eiusdem loci monachisque reddatur et conferatur Infra scripto denique tenore adiicimus ut in cuiuscumque ecclesie dioecesis nostre parochia possident et possidebunt aut emptione aut aliqua instauratione predia ab hodierno et deinceps decime absque alicuius aduersatione ad monasterium deferantur et nullius impulsu ab eo auferri cogantur sed ibi ad usus recipiendorum pauperum retorqueantur de cetero ut quantum amplius Deum laudantibus facultatem Deo deseruiendi et collaudandi eum possibilitatem auserimus tan to latius donis superne patrie et hic et in futuro accumulemur Addimus quasdam res que sunt site infra immunitatem abbatie sancti Teuderii in ipsius uilla que dicitur Viniacus cum uincolis que sunt posite iuxta basilicam Sancti Babyle et adiacent terris uineisque prefate abbatie partemque sylue serumque nomine Deidonum cum uxore sua qui prsefatas res possident quatenus ab hodierno et deinceps prenominati cenobii abbas et fratres teneant possideant ordinent et stabiliant absque alicuius molestationis et contrarietatis impulsu que namque res prasnominati cenobioli quondam fratribus deseruierant sed iam ab eo abstracte et beneficium erant uassallorum effecte unde predecessorum nostrorum morem sequentes Geroino fideli nostro habebamus concessum sed nos ab hoc usu beneficiandi illas modo alienantes prelibate abbatie reddimus integerrime scilicet quiquid Geroino fideli nostro in ipsa uilla contuleramus Alii quoque quidam uirorum nostrorum nobilium utpote uiri nobiles et potentes dum ipsarum rerum dominarentur audierunt et didicerunt quod ipse res presentes necnon et seruientes a nobilibus et fidelibus uiris essent Deo et Sancte Marie et domino Teuderio aliquando collate et propter remissionem peccatorum suorum et sepulture locum distribute unde pro sensu cogitantes et offensionem nostram suamque inspicientes et periculum nostrum suumque considerantes adierunt presentiam nostram petieruntque ut partem quamlibet beneficiorum suorum presentialiter redderemus predicto altari luminaribusque predicte ecclesie quatenus ipsi connecterentur illis merito et numero qui hactenus res prescriptas contuerunt sanctorum collegio ex his fuit Remestagnus qui consensit unam colonicam absam ex beneficio suo ex uilla Lusciniaca que est sita infra immunitatem Sancti Teuderii in uilla que dicitur Colonicas et unum seruientem de ipso beneficio nomine Deodatum cum omni suo peculiari et filio Fuit etiam alter Heldegarius nomine qui consensit terre absas iuxta predictam colonicam et in uilla que dicitur Solemniacus cum seruientibus ibidem aspicientibus masculis et femine Exstitit quoque tertius Samson qui consensit de benficio suo unam colonicam absam in uilla que dicitur Vassiliniacus et unam feminam nomine Teutbergam cum omnibus infantibus suis Hi itaque pro honore Dei et intercessione Sancte Marie et Sancti Teuderii et ceterorum sanctorum et remedio anime nostre et absolutione peccatorum suorum reddiderunt et consenserunt per donum et restaurationem nostram et consensum nostrum prescripto altari et luminaribus et congregationi eiusdem loci res suprascriptas cum mancipiis iam dictis Deo et Sanctas Marie et Sancto Teuderio necnon Adalrico abbati cum omnibus fratribus Deo ibidem semper militantibus tam presentibus quam et futuris Omnia uero quecumque eis pro amore Dei omnipotentis et Sancte Marie et Sancti Teuderii et per deprecationem fidelium nostrorum reddimus et concedimus tam in ecclesiis quam in uineis terrisque pratis syluis et quidquid hodierna die iamdicti rectores ipsius monasterii possident tam in rebus quam in mancipiis omnia et ex omnibus iliis consentimus et affirmamus hoc quod ad nostram dioecesim pertinet Hac igitur auctoritate precipiendo consemus ut quidquid ab hac die et in futurum superna gratia inspirante communi consilio cum Dei sancteque ipsius ecclesie nostrorumque fidelium monasteriolo suprascripto contulerimus auxilio nullus ei exinde in nullo aduersari audeat neque donum a nobis collatum abstrahere presumat sed liceat ipsius locelli habitatoribus Deo seruire et a nobis data et concessa possidere quietoque ordine sine cuiuspiam obiectione Quod si quis huius presentis futurorumque donorum decretis et institutis obsistere quoquo molimine conatus fuerit anathematis uinculo innodatus a liminibus sancte Dei ecclesie alienus efficiatur et a consortio Christianorum priuetur eiusque corpus examine asinorum accipiat sepulturam et ipse eternarum flammarum incendiis miserabiliter torqueatur Tandem obsecramus et coram Deo et sanctis eius obtestamur ut a successoribus nostris hoc nostrum statutum custodiatur scilicet et quod in presenti seruis Dei Deo famulantibus ipsius prescripti locelli conferimus et quod ab hodierno et deinceps conferemus et absque occasione et auulsione obseruetur et ut huius auctoritatis nostre testamentum presentibus futurisque temporibus inconuulsum uigorem obtinere uideatur manu propria libuit corroborate Canonicorum nostrorum normam libuit prosequi et assignari Barnoinus humilis sancte ecclesie Viennensis episcopus ductus amore Dei et sanctorum eius et pro emolumento anime hoc fieri a patre zelo diuino tactus petii Et ego Barnoinus diaconus Viennensis ecclesie scripsi Data vi non Decembris anno iv uocato atque electo Ludouico rege a principibus et magnatibus terre