Charter Document - 05940168

Formosus episcopus seruus seruorum Dei uenerande congregationi monachorum uenerabilis monasterii Sancti Teuderii confessoris Christi siti in territorio Viennensi in perpetuum Quanto nos piorum locorum iuxta quod nobis diuinitus est commissum studiosius curam gerimus tanto nobis copiam mercedis acquirimus et status illorum potiori uigebit regimine Et ideo uera deuotio per Barnoinum reuenerentissimum archiepiscopum Viennensem nostro suggessit apostolatui ut ipsum uenerabile monasterium una uobiscum apostolica muniremus auctoritate Vnde nos omnium sollicitudinem gerentes et maxime audientes uos de Trecassino comitatu ex monasterio Deruo a facie paganorum elapsos et quod ab eodem uenerabili archiepiscopo misericorditer suscepti estis inclinati precibus uestris per huius apostolice nostras auctoritatis priuilegium uos inibi firmiter et quiete Deo militare confirmamus et que necessaria esse uidentur loco et monasterio die noctuque instantissime operari et canonice immo Beati Benedicti regule obedire tam in ecclesie restauratione quam ubi et ubi expedit ea scilicet ratione ut neque eidem uenerabili archiepiscopo neque cuilibet successorum suorum licitum sit illis durum seruitium imponere neque longissimi itineris profectionem sed neque mansionaticos onerosos neque censum preter id quod impositum est in festiuitate predicti Sancti Teuderii in fine anni libram argenti Et preterea decernimus et ordinamus et constituimus et contestamur ut decedente more humano predicte congregationis abbate neque presens prefatus episcopus nec quisquam successorum illius aliquo typo et fastu superbie aut auaritie et cupiditatis et iracundie alium abbatem aliquo tempore et aliquo modo ipsi congregationi imponere presumat nisi quem ipsi monachi libera electione et deuotione secundum regulam Sancti Benedicti sibi elegerint Sed neque ex his omnibus que presentialiter obtinent mobilibus et immobilibus et que deinceps a senioribus et aliquo modo iuste promereri potuerint ullo modo exinde aliquid auferatur ab aliquo neque minuatur sed neque commutetur nisi per uoluntatem monachorum quin etiam si contra hanc auctoritatem quis agere tentauerit nullatenus a quolibet nostram abeundi presentiam successorumque nostrorum abbati et monachis denegetur et prohibeatur siue insidietur facultas Et propter adiutorium omnipotentis Dei impetrandum et intercessionem Sancti Petri et nostre caritatis auxilium abba illorum nomine Adalricus taliter cum reuerentissimo archiepiscopo Barnoino limina Sancti Petri accelerauit Qua dilectione et apostolatus nostri auctoritate commoti rogamus et petimus et ex Deo et per Deum et per Sancti Petri meritum nostrique ministerii reuerentiam adiuramus et contestamur ut nullus nobilium et potentium uicinorum et extra aduenientium et circumquaque degentium aliquatenus mala illis inferre prsesumat et absque lege inquietare et mobilia et immobilia usurpare sed neque seruientes illorum destruere quisquam pertentet Et amodo uolumus eos secures et quietos permanere apostolica protectione tutos atque munitos cum omnibus rebus immobilibus et mobilibus ad ipsum uenerabile monasterium pertinentibus Si quis autem quod non optamus temerario ausu contra hoc priuilegii nostri statutum quod ad laudem Dei omnipotentis et eiusdem pii loci stabilitatem fieri decreuimus in toto et ex parte agere presumserit et in omnibus non obseruauerit sciat se auctoritate Beati Petri apostoli atque nostra anathematis uinculis innodandum et a regno Dei nisi resipuerit alienandum Qui autem uerus custos et obseruator exstiterit benedictionem et gratiam a Domino consequi mereatur Scriptum per manum Anastasii scriniarii sancte Romane ecclesie in mense Nouembrio indictione x beneualete Data vii kal Decembris per manum Sergii primicerii defensoris sancte sedis apostolice imperante domno piissimo PP augusto Vidone a Deo coronato magno imperatore anno i et post consulatum eius anno i indictione x