Charter Document - 05940165

In nomine domini Dei et saluatoris nostri Ihesu Christi Ludouuicus diuina ordinante prouidentia imperator augustus omnibus sancte Dei ecclesia nostrique fidelibus scilicet presentibus atque futuris Si liberalitatis nostre munere locis Deo dicatis quiddam concesserimus beneficii id nobis et ad mortalem uitam temporaliter transigendam et ad eternam feliciter obtinendam profuturum liquido credimus Idcirco notum fieri uolumus omnibus quod sancte Remensis ecclesia in qua predecessores nostri reges uidelicet Francorum fidem et sacri baptismatis gratiam perceperunt in qua et nos per impositionem manus domni Stephani pape imperialia suscepimus insignia quamque ob honorem Dei parentumque nostrorum memoriam siue consecrationis nostre dignitatem a fundamentis restaurare sollempniter decreuimus ita ut dum esset ante in honore tantum Dei genitricis Marie antique religionis cultu nos propter nouam exaltationis gratiam superaddentes sub inuocatione Sancti Saluatoris Dei et domini nostri Ihesu Christi renouando rebus competentibus ditauimus insuper et deuoto intentionis studio pro salute nostra successorumque nostrorum excolentes et ad statum dignitatis debitum confirmare uolentes addere procurauimus quandam abbatiam sitam in comitatu Blesense super fluuium qui uocatur Vera ubi est monasterium in honore Sancti Petri apostolorum principis dicatum in silua que uocatur Ders Quam abbatiam cum foreste nostra indominicata et omni rerum summa integritate uidelicet cum uillis cum uillulis mancipiis utriusque sexus siluis pratis pascuis aquis aquarumue decursibus farinariis et cum omnibus legitimis exterminationibus perpetualiter eidem Remensi ecclesia concedimus et ad consummandam honorabiliter omnem ipsius ecclesia structuram seu ubicumque in postmodum necesse fuerit restaurandam in proprium tradimus et de nostro iure in ius ac dominationem illius sollempni deliberatione transferimus Preter hec omnia concedimus supradicte sancte Remensi ecclesia quendam locum fisci nostri ualde necessarium et ad fodiendum minam plumbi congruum in pago Laumense in ipsis quoque fmibus uel adiacentiis Geminiacam nuncupantem uillam ut circumquaque tantum in omni parte ipsius fosse ordine quadrate perticas xxx Quam perticam manualem ad mesuram xxx pedum designauimus ut ibi fiducialius necessitates ipsius iamdicte sancte Dei ecclesia exercentes in edificiis uel uniuersis abundantibus exterioribus adiacentiis id est per uiis aquis pascuis siue siluis ibi nostris communibus absque ulla contradictione ultra ibi ex nostra largitate possideant Et ut hec nostre confirmationis scripta perpetuis temporibus ipso in sanctificationis loco nostra in elemosina proficiant manu propria subter firmauimus atque anuli nostri impressione perhenniter roborare decreuimus S Hlucdouuici serenissimi imperatoris Adalulfus diaconus ad uicem Fredegisi recognoui Data kalendas Nouembris anno i imperii domni Lucdouuici piissimi augusti indictione iiii Actum Remis in Dei nomine