Charter Document - 05940163

In nomine sancte et indiuidue trinitatis patris et filii et spiritus sancti Ego Henricus Tullensis ecclesia minister et seruus uniuersis sancte ecclesie filiis et fratribus Pastoralis a Deo suscepta nos admonet uigilantia simulque mutue karitatis hortatur diligentia ut quosque nobis subditos uerbo et opere ad uirtutum animemus exercitia et si quos ad bene agendum diuina preuenerit inspiratio eis deesse non debet uel paterna monitio uel quod est excellentius consilii salutaris suffragatio Vnde notificare uolumus tam futuris quam presentibus deuotionem archidiaconi nostri Stephani qui inter cetera pietatis opera ob anime sue remedium et celestis patrie desiderium communi consilio et fauore clericorum sibi subditorum altare de Donno Martino Franco ecclesia sanctorum apostolorum Petri et Pauli Sanctique Bercharii martiris ea conditione concessit ut uicarius substitutus uel monachus cuius prouidentie illud commissum fuerit nullo modo facultatem habeant minuendi uel auferendi seruitium Tullensis ecclesia et ea ratione ut presbiterum non inferioris ordinis clericum uicarium substituant sicut iustum est Ne ergo fidelis deuotio suo fraudetur desiderio quod pie concessit et nos concedimus et ne ab aliquo successorum nostrorum temere uioletur auctoritate Dei et nostra sub anathematis sententia prohibemus Huius autem donationis ut quieta et solida permaneat testes sunt et quo adiuuunt defensores Odelricus cancellarius Vualterus canonicus Hugbertus decanus Rodulfus presbiter et Milo presbiter iurisdici Hecelinus presbiter Burdinus presbiter Vuido presbiter Rodulfus presbiter de Donno Lupentio Paganus de Donno Martino Acta sunt hec Tulli anno incarnationis dominice MCXXVII