Charter Document - 05940153
| Charter Number: | 05940153 |
|---|---|
| Cartulary Title: | The Cartulary of Montier-en-Der, 666-1129 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1095 - 1129 |
| Date type: | Assigned |
| Resource Link(s): |
|
Charter:
In Dei nomine Ego Hugo Trecorum comes magni comitis Tebaldi filius bono affectu et pia sollicitudine circa ecclesiarum Dei cultum inuigilans uolui ecclesiam Dei genitricis que Vuasseaci est honorare et de reditibus Vuasseacensium furnorum quos uel in manu dominica tenebam uel sub iure feodi a me emiseram consensu ipsorum feodatorum statui stipendia fratrum ibi Deo seruientium ampliare Itaque Hugonem quendam de Alta Villa super bannalem furnum quem a nobis Vuasseaci tenebat conueni et ut predictis fratribus sub annuali censu trium librarum eum in perpetuum concederet partim gratia partim auctoritate effeci Que conuentio ita ordinata est ut quandiu fratres eiusdem loci censum ipsum dare uoluerint nulla inquietude nulla molestia ipsis fratribus ab eodem Hugone uel ab heredibus eius de ipsis furnis fiat Si autem aliquo tempore aliqua occasione dare noluerint furnus ipse ad antiques possessores Hugonem scilicet uel heredes eius redeat Si uero uel neglegentia uel alia aliqua causa census ipse diebus in hoc terminatis solutus non fuerit non propter hoc liceat eidem Hugoni uel heredibus eius ad furnos redire sed furnis ipsis in potestate monachorum permanentibus censum suum cum lege si uoluerit accipere Et si Deo inspirante idem Hugo uel aliquis heredum eius largitionem imitatus partem uel totum ipsius census eidem ecclesia tantum et non alii indulgere uoluerit nos beniuolentiam eius probamus et indulgentiam ipsam auctoritate nostra roboramus Census autem per tercias partes in tribus anni terminis soluendus est id est in festo Sancti Remigi xx solidi in prima dominica xl uiginti solidi in festiuitate Sancti Iohannis xx solidi Huius conuentionis litteras auctoritate nostra roboratas honestorum testium testimonio et subsignatione confirmauimus et eas eidem Hugoni et monachis ipsis sub cirographo in perpetuum habendas tradidimus S Hugonis comitis qui hoc constituit S domni abbatis Rogeri S Rainoldi presbiteri S Letaudi monachi S Rainardi capellani S Hugonis decani S Odonis monachi S Ioffridi dapiferi S Manasse monachi S Ioffridi furnarii S Tebaudi monachi S Hatonis de Moneta S Bosonis de Panceio S Tebaudi matricularii S Letardi militis S Amalrici S Tellendi prepositi S Letaudi filii Angelgeri S Wilelmi prepositi S Letaudi filii Bernardi S Anscheri prepositi S Stephani monasterii