Charter Document - 05940149
| Charter Number: | 05940149 |
|---|---|
| Cartulary Title: | The Cartulary of Montier-en-Der, 666-1129 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1122 |
| Date type: | Internal, A.D. |
| Resource Link(s): |
|
Charter:
Quoniam breui dilabuntur et ipsi homines et facta hominum ideo cuiusdam beneficii donum quod monachis Sancti Bercharii concessimus harum litterarum notulis adsignare curauimus ut durabile fieret et sic traderetur memorie posterorum Notum sit igitur tam presentibus quam posteritati sequentium quod Rogerus abbas Sancti Bercharii cum quibusdam fratribus eiusdem loci in habitu mansuetudinis ad nos uenit et ut quoddam beneficium quod eis contulerat predecessor noster Philippus illis litterarum munimento firmaremus cum omni humilitate diligenter expetiit Ego itaque Hato Dei gratia Trecensis episcopus ceterique fratres Trecensis capituli nichil noui facere presumentes si quod predecessor noster fecerat laudaremus monachorum petitioni assensum communem prebuimus et donum quod eis fecerat nostri munimento sigilli firmari precepimus uidelicet de ecclesia Sancte Marie et de ecclesia Sancti Petri de Summauera et de ecclesia Sancti Remigii Sigifontis et de ecclesia Sancte Marie de Longa Villa salua iustitia nostra et consuetudinibus Trecensis ecclesia retento denique iure episcopali per omnia a primis per medium usque ad ultima S Hatonis episcopi S Odonis cantoris S Manasse archidiaconi S Hugonis decani S Manasse archidiaconi S Gisleberti presbiteri S Widonis archidiaconi S Teoderici S Odonis archidiaconi S Falconis S Tebaudi archidiaconi S Teieri Fulcho cancellarius scripsit Actum est publice Lucdouuico rege regnante Hugone Trecensi comite anno ab incarnatione Domini Millesimo centesimo uicesimo secundo