Charter Document - 05940148

In nomine sancte trinitatis Ego Rogerus gratia Dei Deruensis abbas notum facio presentibus et futuris sancte ecclesia filiis conuentionem quandam inter nos et quendam Deiamicum nomine nos fecisse que consilio et auctoritate et presentia domni Hugonis Trecensis comitis in uigilia Sancti Iohannis Baptiste sic ordinata et confirmata est ut dimissis omnibus ueteris nostre querele quam in eundem Deiamicum habebamus occasionibus illius terre de qua agebamus que in comitatu Arceiensi est nobis due partes ei tercia obueniret ita ut ipse uel uxor sua uel filiaster suus cuius aduocatus erat uel filius quem ex ea uxore tunc habebat alter alteri in possessione eiusdem tercie partis succederet et sic hec successio per hos quatuor extenderetur ut quolibet eorum uiuo uiuenti terra ilia contingeret et eis mortuis ecclesia nostra etiam eam terciam partem libere possideret Cuius conuentionis confirmatione in festo Sancti Remigii qui eam terciam partem tenuerit duodecim nummos persoluet hac lege ut si ea die soluti non fuerint non statim terram nos saisire decebit sed censum capitalem cum lege sue conditionis accipere nisi forte proterue uel censum capital dicere uel conuentionem hanc infirmare uoluerit Si autem eandem terciam partem tenenti uoluntas uel necessitas eam uendendi uel in uadimonium dandi euenerit nobis eam offeret et nostra laude et consensu id quod ad nos redire habet disponet Hec conuentio presentibus testibus his probata et confirmata est S Hugonis comitis Trecorum S Letaudi monachi S Alberti capellani S Odonis monachi S Helberti de Barro S Iocelini monachi S Haimonis Querela S Giroldi monachi S Vualteri filii Tebaldi de Ciresio S Girberti uillici S Philippi de Valentiniaco S Anscheri decani S Macelini S Hatonis de Rameruo S Milonis fratris eius S Sauarici filii eius