Charter Document - 05940146

In nomine sancte et indiuidue trinitatis Ego Rogerus gratia Dei abbas Deruensis abbas notum facio tam presentibus quam futuris ecclesia filiis quod comes Breonensis Airardus altare Sancti Remigii Sigifontis et alia quadam altaria que ecclesia nostre appendebant iniuste tenebat Qui cum iturus esset Iherosolimam et a Romana sede generale et iustum exisset edictum laicos ab altaribus et ceteris ecclesiasticis prorsus remoueri Trecas adiit me presente que de altaribus iniuste tenuerat Philippe episcopo manumisit Qui audita et probata nostra super ipsis altaribus causa quod comes manumiserat nobis reddidit Rogerus quoque Iunuillensis quem predictus comes de altare Sancti Remigii feodauerat comitis manumissionem probauit et Ioniuille nobis presentibus cum monachis nostris Letaudo preposito Odone capellano Giroldo camerario Laicis quoque Guidone Vuangionisriui Girberto uillico Macelino Pagano filio Hepelini coram uxore et principibus suis Hugone capellano Hugone dapifero Bosone de Panceio in presentia domni Guilelmi Kathalaunensis episcopi cum clericis suis Rogero de Busnimonte Rainaldo cancellario eidem altari et ad altare pertinentibus renuntiauit et ut nostra ad nos redirent concessit Quidam uero miles Breonensis Ingelbertus nomine de predicto altari Sancti Remigii feodatus huic manumissioni non consensit post quod a Philippe episcopo Trecensi in iudicium uocatus presente Trecensi capitulo in causa sua defecit et ecclesia nostra iudicio Trecensis conuentus sua recepit Vnde ille iratus et iusto iudicio non consentiens in nos insurrexit et quod canonice perdiderat uiolenter retinere uoluit Quapropter ab episcopo in ius rogatus et uenire renuens anathematis uinculo ligatus tandem resipuit et quod uiolenter usurpabat prius per se coram episcopo et coram clericis Rainaldo preposito locelino archidiacono Simone archidiacono Odone cantore presentibus comitibus Airardo Breonensi Milone de Barro super Sequanam postea apud Breonam coram Rainardo decano et clericis presentibus etiam eodem Airardo comite et Milone predicto comite cum uxore et filiis Neuelone clerico et aliis eidem altari renuntiauit et nobis id habere libere in perpetuum concessit Que conuentio ut inconuulsa permaneat et ecclesia nostra res suas sine calumpnia alicuius et inquietudine possideat testium utriusque partis nomina subiecimus et sub testata fide posteritati que gesta sunt fideliter mandamus S Rogeri abbatis S Milonis de Decaniuilla S Odonis monachi S Rainaldi Rufi S Galteri monachi S Macelini S Grimaudi monachi S Milonis fratris eius S Rainardi decani S Pagani filii Hepelini S Girardi capellani S Girardi de Lutosis S Airardi comitis S Guarini de Lutosis S Milonis comitis