Charter Document - 05940139
| Charter Number: | 05940139 |
|---|---|
| Cartulary Title: | The Cartulary of Montier-en-Der, 666-1129 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1095 - 1121 |
| Date type: | Assigned |
| Resource Link(s): |
|
Charter:
In nomine Domini Ego Philippus gratia Dei Trecorum episcopus Notum facio tam presentibus quam futuris Rogerum abbatem et fratres Deruenses assensu nostro in presentia Drogonis archidiaconi nostri hanc concordiam cum Guidone clerico filio Richardi de Larzeicurte fecisse de altari Noue Ville ut omnium eandem uillam inhabitantium oblationes et minute decime in tres partes diuiderentur quarum una monachis altera prefato clerico tercia presbitero eiusdem uille contingeret Quod hac conuentione et conditione factum est ut idem Guido in uita sua tantum sine aliqua hereditatis traductione illud tercium haberet eo etiam pacto ne uel uendere uel in uadimonio ponere nisi monachis ei liceret post mortem uero suam ad monachos supradictos ilia pars tercia rediret et inter monachos et presbiterum tota oblatio et minuta decima ex equo diuiderentur Et ut hec conuentio firma et inconuulsa permaneat sub cirographo utriusque partis testium nomina sub fecimus ut sine calumpnia post mortem Guidonis clerici Deruensibus sua libere restituantur S Drogonis archidiaconi S Pagani militis S Vualteri monachi S Vualteri militis S Vualteri prioris Sancti Leodegarii S Vuilelmi militis S Tebaudi monachi S Arnulfi uillici S Rainardi decani S Vuaneonis filii eis S Iosberti presbiteri S Pagani S Seheri