Charter Document - 05940138
| Charter Number: | 05940138 |
|---|---|
| Cartulary Title: | The Cartulary of Montier-en-Der, 666-1129 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1115 |
| Date type: | Assigned |
| Resource Link(s): |
|
Charter:
In nomine sancte trinitatis Ego Philippus gratia Dei Trecensis episcopus notifico omnibus sancte ecclesia filiis quod Rogerus abbas Deruensis presentiam nostram adiit ius sue antiquitus habite sed modo perdite possessionis super ecclesiam de Tramilleio ostendit et super hoc manum nostre largitatis et gratie sibi laxari poposcit Nos autem qui iam ecclesiam Deruensem de nostris augmentaueramus et augmentare uolebamus concessimus ei pro remedio anime nostre ex iure et rogatu suo altare ipsum et quicquid ad altare pertinet salua nostra episcopali consuetudine et feodum quod a nobis procedit quicquid scilicet a laicis ea iniuste tenentibus uel auctoritate ecclesiastica extorseramus uel extorquere possemus Huius doni testimonio subsignaui ego Philippus episcopus S Manasse archidiaconi S Lanberti decani S Rodulfi decani S Lanberti presbiteri de Corbeil S Vualteri monachi S Petri clerici capellani eorum S Iocelini monachi S Lanberti presbiteri capellani eorum S Tebaldi monachi S Vuidonis presbiteri capellani eorum