Charter Document - 05940121
| Charter Number: | 05940121 |
|---|---|
| Cartulary Title: | The Cartulary of Montier-en-Der, 666-1129 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1089 - 1090 |
| Date type: | Assigned |
| Resource Link(s): |
|
Charter:
In nomine sancte trinitatis Ego Dudo gratia Dei abbas ecclesia Sancti Bercharii notifico omnibus fidelibus quod Odo Trecassinus comes deuote ad nos uenit medietatem molendini quem apud Vuasseacum habebat rogatu Bosonis filii Albrade que de eadem medietate idem comes feodauerat Deo et sanctis eius in presentia nostra cum uoluntate et laude Adelaidis matris sue obtulit hac lege ut unus monachorum nostrorum ecclesia beate Dei genitricis Marie deseruiens de donata medietate molendi uiueret qui Dei clementiam tam pro ipso comite quam pro matre et ceteris predecessoribus suis assidue inibi exoraret Quod ut melius roboraret postquam donum ipsum altari nostro imposuit per manus ministrorum suorum prefate Vuasseacensi ecclesia offerendum iure perpetuo delegauit Huius rei testes subter assignauimus ut et ecclesia nostra data sibi firmiter possideat et futurorum calumpnia si aliqua fuerit infirmetur et pereat S Odonis comitis qui hoc donum dedit S Vlrici dapiferi eius S Teboldi matricularii S Gundulfi prepositi eius S Hepelini S Ramberti uillici eius S Vuarini filii eius S Bonini S Pagani filii eius S Engelgeri