Charter Document - 05940116

Ego Dudo gratia Dei Deruensis ecclesia abbas cum sibi creditis ad notitiam tam presentium quam futurorum mandamus proclamationem quam ad magnanimum comitem Teobaldum de Goffrido lunuille domino multis iniuriis coacti fecimus Qui Goffridus nomen aduocati et defensoris terre nostre Blesensis habebat cui multas tortitudines uersa uice inferebat Vnde monitus ab ipso comite ut omnem iustitiam pro his tortitudinibus exiberet nobis in presentia sui apud ciuitatem Meldis et die constituto exibende iustitie ipso comite gratia captionis filii sui Stephani carcerali custodie a rege Francorum mancipati uehementer occupato inde reuersus hesitansque ne pari proclamatione iterum monitus acrius argueretur per donnum Hugonem Primicerium et per alios fideles nostre ecclesie promisit se a rapinis et iniustitiis abstinere et eas solas consuetudines accipere quas quondam auus suus Stephanus cum laude abbatis et monachorum uisus est accepisse Que consuetudines hoc modo recognite et diffinite sunt In duabus potestatibus quas ibi possidemus id est Villa et Donno Martino in mense Maio quadraginta arietes accipiet id est in una quaque potestate uiginti quos nostri ministeriales colligentes ad castellum deducent Pari ratione totidem porcorum frescengias in festo Sancti Andree accipiet Carropera sic accipiet ut mane progredientes cum carris et animalibus suis ad uesperum reuertantur Hoc autem semel in anno fiet Similiter de opere castelli ministeriales nostri ordinabunt ut quando non potuerit quilibet hominum nostrorum solus operarium soluere duos uel tres uel etiam quatuor de pauperioribus simul adsocient qui operarium integra septimana persoluant Seruitia prandiorum uel hospitiorum quas receptiones uocant ter per annum in unaquaque potestate accipiet id est simul sex non tamen ut pro oppressione hominum multitudinem secum adducat sed simpliciter sicut ei transire contigerit A clericis nostris et equitibus quos casatos uocant et seruientibus indominicatis id est bubuleis et porcariis uacariis uinitoribus furnariis neque de predictis consuetudinibus neque de aliis rebus quicquam omnino accipiet Si quid ei ab hominibus nostris in eadem aduocatione degentibus forfactum fuerit ipse uel prepositus suus proclamationem faciet ad uillicum Sancti Petri uel ad prepositum uel ad abbatem Si ab eis iustitiam non impetrauerit tunc demum sicut aduocatus iustitiam sibi legalem accipiet Hec omnia sicut prescriptum est predictus Goffredus publice recognouit et laudauit et acceptis a nobis centum uiginti libris denariorum ultroneus et spontaneus super reliquias sanctorum se ita obseruaturum iurauit Et prepositum suum nomine Burdinum id iurare fecit et quotiens cumque prepositi substituerentur similiter eos id ipsum iuraturos infra dies quindecim in eodem firmauit Obsides etiam de suis liberis hominibus per sacramentum nobis contradidit Hilduinum locelinum de Scoth Hugonem Album Amalricum fratrem eius Bosonem de Panceio Bosonem de Bracheio Haibertum filium Rogeri Achardum filium Dodonis Fredericum filium Seieri Brunellum de Maisnix Hos ea ratione contradidit ut quotiens aliquis ex eis decederet uel heredem ipsius uel equalis ualentie hominem in obsidatu reponeret Hi omnes iurauerunt quod hec que predicta sunt obseruari facerent et si quid a domno Goffrido uel prepositis suis forfactum foret et per ipsos obsides id emendare nollet ipsi dampnum infra dies quadraginta ex quo conuenti essent a nobis de suo restaurarent et deinceps si fractura accideret totiens simili ratione emendationem facerent