Charter Document - 05940110
| Charter Number: | 05940110 |
|---|---|
| Cartulary Title: | The Cartulary of Montier-en-Der, 666-1129 |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1050 - 1085 |
| Date type: | Assigned |
| Resource Link(s): |
|
Charter:
Bruno gratia Dei abbas Notum sit omnibus tam presentibus quam futuris quoniam quidam miles Huncbertus nomine agnomine Merula uenit ad me deprecans largiri sibi sub censu quandam terram Sancti Petri et Sancti Bercharii in uilla Hatoniscortis sitam Cuius petitionem suscipiens dedi ei et uni heredi suo memoratam terram hoc est unum pratum ante ecclesiam et duo mansa in eadem uilla tali conuentione ut omni anno dum aduiueret in festo Sancti Remigii quindecim denarios exinde pro censu solueret et qui post ipsum eam habiturus esset prescriptus heres Et ne per succedentia annorum curricula huiusmodi conuentio ab hominum laberetur memoria has inde litteras decreui ei dare que non sinerent eam tradere perpetue obliuioni fratrum nominibus et eorum qui interfuerunt laicorum subnotatis S domni abbatis Brunonis S Alberti monachi S ipsius Huncberti S Hingonis monachi S Vuilelmi S item Hingonis monachi S Hugonis S Witeri monachi S Haimari S Goberti monachi S Ingelgeri S Rainardi S Constantii S Brunelli S Letaudi S Bernardi