Charter Document - 05940098
| Charter Number: | 05940098 |
|---|---|
| Cartulary Title: | The Cartulary of Montier-en-Der, 666-1129 |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1050 - 1085 |
| Date type: | Assigned |
| Resource Link(s): |
|
Charter:
In nomine sancte et indiuidue trinitatis Ego Tebaldus uxoris mee et fidelium amicorumque meorum consilio coram Deo et sanctis eius trado quandam mee hereditatis partem in uilla Arnulficurtis quam iure hereditario possideo sanctis apostolis Dei Petro et Paulo Sanctoque Berchario qui ibidem uenerabiliter requiescit presente abbate Brunone et fratribus ipsius loci Quod eo tenore fieri uolui ut dum ego et uxor mea defuncti fuerimus in illo sanctissimo loco sepulturam habeamus Et si aliquando filium haberem quem offerre Deo in eodem loco uoluissem seniores reciperent eum ad monachum statuendum Et ut hoc donum et conuentio exinde facta stabilis et inconuulsa permaneat petiui litteris firmari testium nominibus subnotatis S Tebaldi militis qui et Tecelinus dictus est S Hadeburgis uxorius eius S domni abbatis Brunonis S Bosonis filii eius S Alberti S Anselli filii eius S Hingonis S Tecelini filii eius S Deodati S Hugonis S Hingonis S Henrici S Gozberti S Ainardi S Vuiteri S Bencelini S Nocheri