Charter Document - 05940089
| Charter Number: | 05940089 |
|---|---|
| Cartulary Title: | The Cartulary of Montier-en-Der, 666-1129 |
| Charter Language: | Latin |
| Charter Origin: | Religious |
| Charter Type(s): | Gift |
| Date: | 1072 |
| Date type: | Internal, A.D., Regnal |
| Resource Link(s): |
|
Charter:
In nomine sancte et indiuidue trinitatis Omnibus hic presentialiter congregatis necnon et his qui temporibus successuri sunt futuris non ob inanem iactantiam mundi sed ad laudem et gloriam nominis Christi et ad incitandos animos fidelium ad effectum caritatis in augmentum ecclesia notum fieri decreuimus qualiter ego Rainardus Dei gratia Lingonensis episcopus meorum fidelium consilio et assensu uenerandi abbatis Brunonis monasterii dicati in honore apostolorum Petri et Pauli ubi sacratissimum corpus uenerandi martiris Bercharii quiescit precibus adquieuerim Multis namque et magnis supplicationibus frequenter nostram dilectionem expetiit quatinus ad mensam fratrum in predicto monasterio Deo cotidie famulantium darem quoddam predium meum cui nomen est Espulteimunt Igitur ego indignum iudicans tam piis et tam iustis efflagitationibus refragari satisfaciens tanti uiri desiderio diuino instinctu Walteri Breonensi comitis heredis mei et uxoris sue sororis mee et infantum eorum nutu et adsensu laude et consultu dedi prelibate ecclesia fratribus omnem partem meam scilicet medietatem prenotati alodii mei cum omnibus appenditiis seruis ancillis siluis pratis aquis aquarumque decursibus Quia uero aliquoties mali heredes quod boni antecessores cum fide et deuotione dant ecclesiis diabolicis calliditatibus perturbare soliti sunt ita omnino predictum alodium liberum dedi ut nec ego nec aliquis heredum meorum ibi aliquid retineret nec aduocationem nec ullam consuetudinem qua aliquando occasione diabolica mundanorum ardens cupiditas ecclesia possessionem inuaderet et gregem Dominicum pro nostro dono inquietaret Vt autem hec donatio rata haberetur bannum nostrum cum anathemate super calumniatorem imposuimus si aliquando quis calumniam inferret quod minime credimus Scriptumque quoniam mortalium testimonia labilia sunt inde fieri iussimus Quod ut firmius haberetur nostra manu firmauimus firmandumque aliis tradidimus S domni Rainardi episcopi S Eurardi decani S Gibuini archidiaconi S Rogeri archidiaconi S Girardi archidiaconi S Vuarneri archidiaconi S Erlerii archidiaconi S Walteri comitis Brinensis S Amalrici archidiaconi S Engelberti filii eius S Adalberonis abbatis S Widonis comitis S Bosonis abbatis S Girardi militis S Engelberti abbatis S Vuidonis militis S Eustatie comitisse S Aldonis Acta sunt hec Lingonis anno ab incarnatione Domini MLXXII indictione x regnante Philippo rege Francorum anno xiiii