Charter Document - 05940088
| Charter Number: | 05940088 |
|---|---|
| Cartulary Title: | The Cartulary of Montier-en-Der, 666-1129 |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1053 - 1070 |
| Date type: | Assigned |
| Resource Link(s): |
|
Charter:
In nomine patris et filii et spiritus sancti Ego comes Rudulfus et abbas Sancti Petri et Sancti Bercharii nomine Vuandelgerus qui cognominatur Bruno et cuncta congregatio ipsius loci contentionem habebamus de quadam silua que sita est super uillam nomine Losam Quam mitigare cupiens ipsam partem quam tenebam dimisi et dedi predicto loco ego et mei heredes scilicet filii mei Vualterus et Simon atque ceteri ea conuentione ut omnibus diebus unaquaque septimana in feria secunda celebretur missa pro mea salute et ceterorum heredum meorum et unus pauper in eodem monasterio uictum et prebendam habeat perpetualiter Et ut hec mea donatio firma permaneat omnibus temporibus ego mea manu firmaui et filius meus Vualterus et Simon et ceteri mei heredes S Rodulfi comitis S Milonis S Gualteri filii eius S Rogeri S Simonis filii eius S Drogonis S Vuidonis S Vualteri S Ansculfi