Charter Document - 05940085
| Charter Number: | 05940085 |
|---|---|
| Cartulary Title: | The Cartulary of Montier-en-Der, 666-1129 |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1066 - 1085 |
| Date type: | Assigned |
| Resource Link(s): |
|
Charter:
Ego frater Bruno Dei gratia abbas Deruensis cenobi uolo omnibus tam presentibus quam futuris notam fieri conuentionem diuisionis redituum pertinentium ad fratres nostri monasterii constitutes ad seruiendum Deo et omnibus sanctis in ecclesia sancte eiusdem domini nostri genitricis Marie in uilla dicta Vuasciaco ac sacerdotem cui laude fratrum nostrorum commissa noscitur cura parochie predicte uille Est autem huius modi Fratres nostri in supradicto loco commanentes persoluent solutionem antiquitus constitutam ad sinodum Kathalaunensem uidelicet tres solidos nummorum festiuitate Sancti Remigii deinceps futuri immunes ab omni seruitio episcopali sacerdote seruiente eorum laude populo ut necesse fuerit soluente pontificales rationes Cui largientur quartam partem redituum pertinentium ad iam dicte ecclesia altare exceptis terris quas fratres in dominicatu suo habent et cera et candela Vnum uero nummum ipse presbiter diebus dominicis accipiet ad missam sancte trinitatis si ipse eam celebrauerit reliquis oblationibus supradicta ratione diuisis Si autem aliquis fratrum eam celebrauerit similiter unus nummus sine diuisione cedet in partem ipsorum ceteris cum presbitero diuisis Hec conuentio facta est laude et uoluntate Raimbaldi presbiteri supradicte ecclesia presente Girberto decano Cathalaunensis episcopi uidelicet tercii Rogeri Interfuerunt etiam quamplures quorum hec sunt nomina S Elberti presbiteri Sancti Vrbani S Haimari S Hugonis subdiaconi S Huncberti S Vuarneri de Simermonte S Hugonis S Seiberti S Vuarini S Vuidonis de Donno Martino