Charter Document - 05940081
| Charter Number: | 05940081 |
|---|---|
| Cartulary Title: | The Cartulary of Montier-en-Der, 666-1129 |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1065 |
| Date type: | Assigned |
| Resource Link(s): |
|
Charter:
Alexander episcopus seruus seruorum Dei coepiscopis Richero Senonensi Hugoni Trecassino Rogeri Cathalaunensi salutem et apostolicam benedictionem Quoniam quidem omnium ecclesiarum sollicitudinem nobis commisit dignatio diuina instantius ut nostis procurare debet prouisio nostra ne quid detrimenti seu inquietudinis quelibet earum incurrat nostra sub custodia Vnde iam annis anterioribus fraternitati uestre precepisse meminimus super aduersis ecclesia Deruensis que sibi inferuntur a nonnullis minus Deum timentibus auctoritate apostolica precipientes uobis ut ex aduerso ascenderetis et murum pro defensione eiusdem ecclesia opponeretis Quod aliquandiu diligenter exequuti estis uerum nunc aliquantulum intepescit feruor zeli prioris Proinde iterate dirigimus apices huius nostre commonitionis ut uirga ecclesiastica animaduersionis eorum impudentiam qui aduersus eam insurgunt coercere curetis ne quam post hac querimoniam infundere querat auribus nostris Et quoniam abbatem ecclesia ipsius uirum uirtutis nouimus esse nobisque iam pridem deuinctum familiari dilectione quem predecessor noster bone memorie Leo papa tanto sue karitatis dignum duxit amore ut cum sui nominis dicti Brunonis quod ante apostolicatum in baptismate sortitus fuerat donaret honore nolumus quemquam sibi suisque in aliquo molestum esse Quod si fiat a quibuscumque concedimus ei apostolica auctoritate et omnibus sucessoribus ecclesia ipsius quoscumque insurgentes contra eam frangere anathimatis ultione ut cum securiori quiete Deo ualeant liberius uacare Valete