Charter Document - 05940079
| Charter Number: | 05940079 |
|---|---|
| Cartulary Title: | The Cartulary of Montier-en-Der, 666-1129 |
| Charter Language: | Latin |
| Charter Origin: | Papal |
| Charter Type(s): | Confirmation |
| Date: | 1065 |
| Date type: | Assigned |
| Resource Link(s): |
|
Charter:
Alexander episcopus seruus seruorum Dei Notum facimus tam presentibus quam futuris Deruensem abbatiam apostolice sedi suis a constitutoribus esse contraditam necne subiectam Quocirca ammonemus imperando apostolicique rigoris gladium exerentes defendendo ne cui liceat presumptori quippiam uiolentie inferre ex predicto loco apostolice nostre protectione Nichilominus autem eos super quos abba loci Bruno uocatus nostram adiit presentiam querulus qui nuper diuersas predicti loci presumpserunt inuadere possessiones precipue tres ecclesias quarum una titulatur Sancto Christoforo altera Beato Petro que constituta habetur in Lertiarcicurte tercia que dicitur apud Piscem comminando terremus atque terrendo reuocare a sua malitia cupimus quatinus queque rapta ecclesia Dei restituant Quod nisi fecerint tam in presenti quam in future ab omni ecclesia Dei anathematis se mucrone abscisos fore cognoscant