Charter Document - 05940077
| Charter Number: | 05940077 |
|---|---|
| Cartulary Title: | The Cartulary of Montier-en-Der, 666-1129 |
| Charter Language: | Latin |
| Charter Origin: | Papal |
| Charter Type(s): | Letter |
| Date: | 1055 - 1057 |
| Date type: | Assigned |
| Resource Link(s): |
|
Charter:
Victor episcopus seruus seruorum Dei Tebaldo comiti apostolicam benedictionem Confidentes quod gloria se uestra in amicorum suorum solatiis deuota semper exibeat eorum uobis quod diligitis causas commendare studemus Nosque bonorum hortatur delectio filiorum utilitatibus eorum studiose concurrere et in quantum ratio suppetit nos adiuuare Et ideo salutantes petimus ut filius noster Bruno abba ex sanctorum apostolorum Petri et Pauli et Sancti Bercharii martiris monasterio quale uos hactenus habuit talem inuenire semper mereatur et apud omnes quocumque necesse fuerit glorie uestre solatia consequatur ac magnam in uobis consolationem inueniat et ne cuidam iniuste possit afflictioni uel grauamini subiacere magnificentie uestre celsitudo disponat Quantam preterea sollicitudinem circa monasteria exibeatis super religiosis inreligionisque monachis et quam omnipotens Deus apud homines inde uobis gloriam concessit ut sub tuitione uestra religiosiora consistant cenobia quod misericors Deus a quo cuncta bona procedunt multiplied uobis usque in diem retributionis predicto filio nostro referente cognouimus Eidem quoque monasterio cui preest quantum profuit uestre pietatis magnitude obsecrando et arguendo fratres ac in uillas et ecclesias cum molendinis cumque uariis rebus reddendo et etiam in reconstruendo pontes ad idem cenobium pertinentes super quibus plures letantur maxime maris insulas habitantes scilicet Scoti et Angli et qualiter uos iniusti arguunt ut desistatis cum lacrimans tum gauden nobis presente multorum ad estatione narrauit Vnde uberes gratias referentes petimus queque ammonentur uobis a bonis operibus preditis libenter audite deuote agite in memoria reseruate quia si pro Deo loquentes auditis pro nobis orantes omnipotens idem exaudiet Propter hoc omnipotens Deus bonos quosque ad populorum regimina perducit ut per eos omnibus quibus prelati fuerint dona sue potestatis impendat Facite quod Dei est et Deus faciet quod uestrum est Omnipotens Deus sua uos protectione cum filiis et omni domo uestra ab omni aduersitate tueatur atque custodia uobisque et presentis uite prosperitatem et leticiam future concedat