Charter Document - 05940076
| Charter Number: | 05940076 |
|---|---|
| Cartulary Title: | The Cartulary of Montier-en-Der, 666-1129 |
| Charter Language: | Latin |
| Charter Origin: | Papal |
| Charter Type(s): | Confirmation |
| Date: | 1087 |
| Date type: | Internal, Calendar |
| Resource Link(s): |
|
Charter:
In nomine sanctse et indiuidue trinitatis patris et filii et spiritus sancti Victor episcopus seruus seruorum Dei Cum per prophetam Dominus fictis pastoribus comminetur et increpet dicens Non ascendistis ex aduerso neque opposuistis murum pro domo Israhel que manifeste intelligitur ecclesia et Paulus apostolus columnam et firmamentum ueritatis predicatores appellet omni studio conandum nobis est qui uice Beati Petri uniuersali ecclesia presidemus ne sancta ecclesia que nostra premuniri habet defensione de his que iuste tenet amittere possit aliquid malorum peruasione Quocirca Deruensem abbatiam per priuilegium apostolice auctoritatis decernentes sublimari iubemus sub anathematis districtione ut secundum decreta regum uel pontificum inmunis maneat ab omni seculari subiectione Est enim ipsa abbatia constructa in honore beatissimorum apostolorum Petri et Pauli ubi corpore requiescit sanctus et gloriosus Christi martir Bercharius et uenerabilis Christi uirgo Theodosia Quam constructores eius sancte et apostolice Romane ecclesie adsignare uoluerunt Et ideo statuentes precipimus ut sub inuiolabili tuitione et defensione apostolici priuilegii omnes facultates ipsius monasterii posite sint quicquid scilicet illi ecclesia aut est datum aut est dandum Scilicet uille ascclesie decime uinee terre culte et inculte silue molendini aque aquarumue decursus decime quoque de laboribus fratrum in quocumque episcopatu laborauerint absque cuiuslibet prohibitione in eodem monasterio persoluantur Si quis uero contra statuta Romane ecclesia hanc auctoritatem nostri priuilegii infringere uoluerit inlusum a sese esse recognoscat et sub sententia Petri post Ananiam et Saphiram mortuum se ueraciter intelligat Auctoritate igitur Dei omnipotentis et Sancti Petri omniumque apostolorum et electorum Dei excommunicamus et omni genere maledictionis inpugnamus ilium qui contra hoc sancte Romane ecclesia decretum uiolare presumpserit auctoritatis nostre hoc concessum priuilegium nisi penituerit per uere emendationis fructum Data Lateranis ii idus Iulii Indictione x