Charter Document - 05940059
| Charter Number: | 05940059 |
|---|---|
| Cartulary Title: | The Cartulary of Montier-en-Der, 666-1129 |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1035 - 1049 |
| Date type: | Assigned |
| Resource Link(s): |
|
Charter:
Ego gratia Dei abbas Milo ad agnitionem omnium tam presentium quam futurorum uolumus ut ueniat conuentio que est habita inter me et Tecelinum militem Hie miles plurima beatorum apostolorum Petri et Pauli Sanctique Bercharii mancipiis faciebat mala Tandem nescio qualiter permotus adiit presentiam nostram dicens se per hanc conuentionem non amplius predictorum sanctorum hominibus mala illaturum Habebat Sanctus Petrus unum mansum et terram ad ipsum pertinentem in uilla que uocatur ex nomine Donni Lupentii quam rogabat ut ei et filiis suis concederemus ea ratione ut nobis suas manus traderet et fidelitatem sanctis apostolis Petro et Paulo et Sancto Berchario nobisque et fratribus iuraret Filii quoque eius dum uellent tenere eandem fidelitatem predictis sanctis cum monachis facerent Et cum ceteris malis unde resipisceret quandam partem quam proclamabat scilicet medietatem cuiusdam mulieris nomine Viltrudis et filiorum filiarumque suarum Deo et predictis sanctis calumpniam nec ipse aut filii sui predicti nec deinceps aliquis ex suis heredibus ulterius inferret Si uero ipse obisset aut uxor eius longe a nobis triginta leugis ad sepulturam eum apud nos deferremus Vnde placuit utrisque et nobis et sibi ut ex hac conuentione litteras faceremus ne ecclesia Dei aliquid impedimenti reciperet post obitum nostrum S domni abbatis Milonis S Deodati S Dudonis S Vuiteri S Alberti S Neuelonis S Nocheri S Teodonis S Vuandelgeri S Albrici S Teubaldi S Seiardi S Hugonis S Hingonis S Goberti S Teodonis S Iaimari S Hingonis S Herberti S Rodulfi S Alberti S Constantii S Tecelini S Haimonis S Petri S Rainoldi S Vuiteri S Girberti S Arengaudi S Hingonis S Vualteri S Huncberti S Rodulfi S Blizonis S Vuidonis