Charter Document - 05940058
| Charter Number: | 05940058 |
|---|---|
| Cartulary Title: | The Cartulary of Montier-en-Der, 666-1129 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1035 - 1049 |
| Date type: | Assigned |
| Resource Link(s): |
|
Charter:
Ego Dei ordinatione abbas Milo presentibus et futuris notum esse cupio que a nobis et fratribus requisierit Arnulfus de Sufflanna uir fidelis Requisiuit ut eum inseremus societati nostre spiritaliter quidem in Dei seruitio pro nostra karitate carnaliter uero in rebus ecclesiasticis pro sua seruitute Res itaque quas petebat in uinculo constant qui dicitur Saluaticus Mansionilis uidelicet traticum et terciam partem in decimis Hec autem tali poscebat conditione ut quicquid ex rebus predictis assumeret nichil pro ulla necessitate distraheret aut ex Sancti Petri potestate transduceret nisi pro duabus solum modo causis uidelicet pro famis necessitate ac sui corporis captione sed potius cum augmentatione seruatum Sancto Petro et Sancto Berchario largiretur post suorum finem dierum Et si quando eum aliquid contigisset ob duo premissa excipere cunctorum medietas huius loci sanctis esset pro remedio sue et coniugis anime Que ut ostendimus fratrum et fidelium multitudini suscipere nobis suggesserunt petitionem huius modi Proinde horum consilia non spernentes ac secundum quod prenotauimus que poposcerat ei concedentes ex suo ad fratrum usus cxxv solidos sustulimus Deinde uir predictus ad amorem Dei non modice circumspectus orauit ut inde conderemus litteras ne per hec sancta Dei ecclesia inpedimentum haberet S domni abbatis Milonis S Hingonis S Hingonis decani S Vuandelgeri S Deodati S Alberti S Teubaldi S Vuiteri