Charter Document - 05940049
| Charter Number: | 05940049 |
|---|---|
| Cartulary Title: | The Cartulary of Montier-en-Der, 666-1129 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1010 - 1035 |
| Date type: | Assigned |
| Resource Link(s): |
|
Charter:
Ego Dudo Dei misericordia abba fidelibus nostris presentibus et futuris perpetue pacis gaudia Quidam ex nostris hominibus nomine Robertus ueniens ante nostram presentiam ostendit quod unam terram in comitatu Barrensi in uilla nomine Vinnei habebamus perditam quam sua fortitudine quidam uassallus inuaserat nostrorum ministerialium neglegentia Quam perdere nolentes et tantas tortitudines quas inuasor proferebat tedio habentes concessimus nostro supradicto homini et quia pagensis erat et quomodo terra pergeret sciebat Hoc siquidem ea ratione fecimus ut ab inuasore extorqueret et postea ex nobis possideret Istud uero et aliud seruitium ut ualeret persequi precatus est ad hoc agendum ut daremus ei aliquod adiumentum Quod placens nobis et fidelibus nostris tradidimus ei sui laboris et terre debitum Et ne quis post discessum nostrum ex hoc ei molestiam inferret in uita sua dedimus ei his litteras nostra et manu fratrum firmatas S domni Dudonis abbatis S Iaimari tesaurarii et magistri sui S Deodati S Benzonis S Tebaldi S Alberti S Dudonis S Teodonis S Hingonis S Neuelonis S Vuandelgeri