Charter Document - 05940042

Sancte trinitatis fidem ego gratia Dei miles Hugo sincera mente complectens et sanctorum suffragiis attolli desiderans adii monasterium in saltu situm Deruensi constructum in honore beatissimorum apostolorum Petri et Pauli Sanctique Bercharii martiris quo etiam corpore quiescit cui uenerabilis pastor et abba Dudo preesse dinoscitur Vbi sanctorum habitationem considerans et monachorum inibi degentium conuersationem Deo dignam esse pertractans profectum anime intelligens si de meo proprio iure ibidem aliquid conferrem contuli eisdem fratribus tum ob amorem predictorum sanctorum tum pro remedio anime mee necnon et genitoris ac predecessorum successorumque meorum partem quandam ex foreste mea quam solide et absque alicuius peruasoris contradictione usque ad presens uisus sum possidere centum perticas in longitudine totidem in latitudine Dimensionem autem pertice ipsius ad mensuram pedum uiginti et septem protendere uolui Hanc igitur eis partem contrado ut exstirpare et quodcumque uoluerint et cordis eorum appetitus fuerint faciant et agricultores ad excolendam terram illam constituant molendinum et cetera que suis usibus necessaria perspexerint ibidem coaptent Ecclesiam uero edificare et omnem decimam annone que infra prescriptum terminum prouenerit et omnium que ecclesiastici iuris esse poterunt eis habere concedo Pascua animalium infra et extra per campestria et siluestria in meo proprio cure habeant Ligna ad succendendum et materiamen in diuersos usus necessarium ad domos uidelicet construendas et cooperiendas sine ullo ministrorum meorum xenio in perpetuum possideant Et si pro tempore fertilitas silue occurrerit et esus glandium uel fagine fuerit et ipsi in predicta uillula greges suillos enutrierint uel habuerint liberum habeant per abdita eiusdem silue circumquaque exitum uel regressum Et si incolse loci illius porcos suos cum porcis indominicalibus miscuerint ministeriales monachorum omnem decimationem absque aliqua meorum molestia accipiant Quod si aliunde uenerint et forensium uillarum nostra depasci pascua uoluerint secundum morem regionis consuetum saltus debitum persoluant Denique precauens in future et de uenturis sollicitans temporibus ne aliquis iniquorum peruasione sua hoc sibi quasi pro saluamento usurpare uoluerit consultu meorum fidelium hoc decretum statui ut prepositus monasterii qui eidem uille prefuerit per singulos annos non infra sed extra mediis scilicet campis uel siluarum recessibus non uillicus non rusticorum aliquis sed ipse presentialiter ad uiginti homines mihi obsonium prebeat Et hoc ideo ut cum pagenses circumpositi uiderint recognoscant quod ego qui hoc sancto loco pro remedio anime contuli etiam defensionem mihi reseruaui Si quis autem successorum meorum tactu inuidie inflammatus hoc opus pietatis quod a nobis constitutum est dissoluere uoluerit sit alienus a Christo et ab omni cetu sanctorum et duplici contritione conteratur uidelicet corporis et anime sitque pars eius cum Datan et Abiron rebellium Domini Verum ut hec traditio mea stabilis et inconuulsa permaneat constiptulatione testium subnixa hanc firmare uolui S Hugonis qui hanc traditionis cartam fieri rogauit S Vualteri S Helisabet uxoris eius S Goberti S Warneri S Salonis S Hugonis filii eius S Mainfridi S Teboldi filii eius S Milonis S Huncberti filii eius S Hubaldi S Mainfride filie eius S Fulcardi S Raoldi S Roberti Data sub die xv kalendas Decembris regnantibus piissimis Francorum regibus Roberto et filio eius Henrico Actum Deruo monasterio publice anno ab incarnatione Domini millesimo uicesimo septimo indictione x Deinde obiit millesimo XXXV v nonas Octobris idem miles bonus et memorabilis